ԿԻԵՎ, 9 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Ուկրաինան յաջորդ ամիս
կընդունի Սեւծովեան տնտեսական համագործակցութեան կազմակերպութեան
(ՍՏՀԿ) նախագահութիւնը: Այս մասին հոկտեմբերի 9-ին ճեպասուլիսում
յայտարարել է Ուկրաինայի ԱԳՆ մամլոյ ծառայութեան ղեկավար Անդրեյ
Դեշչիցան:
«Կազմակերպութեան կանոնադրութեան նախատեսած փոխատեղման
այբբենական կարգի համաձայն, Անկարայի նիստում (ՍՏՀԿ
արտգործնախարարների խորհրդի) Թուրքիան նախագահութիւնը կփոխանցի
Ուկրաինային»,- ասել է Դեշչիցան:
ՍՏՀԿ-ին, որ ստեղծուել է 1992 թուականին, անդամակցում են
Հայաստանը, Ադրբեջանը, Ալբանիան, Բուլղարիան, Յունաստանը,
Վրաստանը, Մոլդավիան, Ռուսաստանը, Ռումինիան, Սերբիան, Թուրքիան եւ
Ուկրաինան: Դիտորդի կարգավիճակով կազմակերպութեանը մասնակցում են
ԱՄՆ-ն, Ֆրանսիան, Գերմանիան, Չեխիան, Իսրայելը: Վերջին կէս տարին
ՍՏՀԿ-ում նախագահում է Թուրքիան: Ուկրաինայի նախագահութիւնը
կսկսուի 2007 թուականի նոյեմբերի 1-ից: