ՀԱՅԱՍՏԱՆԻ ԵՎ ԱՈՒՍՏՐԻԱՅԻ ՄԻՋԵՒ ՏՆՏԵՍԱԿԱՆ ՀԱՄԱԳՈՐԾԱԿՑՈՒԹԻՒՆԸ
ՀԵՌԱՆԿԱՐԱՅԻՆ Է ՅԱՏԿԱՊԷՍ ԲԱՆԿԱՅԻՆ ՈԼՈՐՏՈՒՄ
02-10-2007 20:00:00 | Հայաստան | Տնտեսութիւն
ԵՐԵՎԱՆ, 2 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի եւ Աուստրիայի
միջեւ տնտեսական համագործակցութիւնը հեռանկարային է յատկապէս
բանկային ոլորտում: Այս մասին հոկտեմբերի 2-ի ասուլիսում յայտնեց
Աուստրիայում ՀՀ դեսպան Աշոտ Հովակիմեանը: Նա նշեց, որ,
մասնաւորապէս, աուստրիական «Ռայֆֆայզզեն» բանկը մեծ ծրագրեր ունի
կապուած Կենտրոնական Ասիայի երկրների, այդ թւում նաեւ Հայաստանի
հետ: «Մեզ համար կարեւոր է, որ այդ բանկի մասնաճիւղը բացուի նաեւ
Հայաստանում»,- ասաց Ա.Հովակիմեանը:
Երկու երկրների միջեւ համագործակցութեան միւս հեռանկարային
ոլորտը, ըստ դեսպանի, դա զբոսաշրջությունն է: Նրա կարծիքով,
Հայաստանը կարող է ուսումնասիրել Աուստրիայի զբօսաշրջութեան
զարգացման փորձը: «Զբոսաշրջությունը այն ոլորտն է, որտեղ
ավստրիացիները կարող են աջակցել եւ ներդրումներ կատարել»,- ասաց
Ա.Հովակիմեանը: Դեսպանը նկատեց նաեւ, որ տարէցտարի աճում է
Հայաստան այցելող աուստրիացի զբոսաշրջիկների թիւը:
Իսկ Բուլղարիայում ՀՀ դեսպան Սերգեյ Մանասարեանը նշեց, որ
հայ-բուլղարական տնտհամագործակցության ամենաարդիւնաւէտ ձեւը
համատեղ ձեռնարկութիւնների ստեղծումն է: Դեսպանը յայտնեց, որ
վերջին տասը տարուայ ընթացքում առաջին անգամ հայկական կոնեակը
իրացւում է բուլղարական շուկայում, որտեղ ներկայացուած են
հայաստանեան երկու արտադրողներ` «Նոյը» եւ Երեւանի կոնեակի, գինու
եւ օղու գործարանը:
Ս.Մանասարեանի խօսքերով, Բուլղարիան այն երկիրն է որտեղ հարկ
չկայ ներկայացնել հայկական բրենդը: «Իւրաքանչիւր բուլղարացի շատ
լաւ գիտի` ինչ է Հայաստանը: Նոյնիսկ միջնակարգ դպրոցի ծրագրերում
ընդգրկուած են Հայաստանին, հայերին նուիրուած գործեր»,- ասաց նա: