ԳԱՐԵԳԻՆ ԵՐԿՐՈՐԴ ԿԱԹՈՂԻԿՈՍԸ ՀՈՎՎԱՊԵՏԱԱՆ ԱՅՑՈՎ ՄԵԿՆԵԼ Է ԱՄՆ
01-10-2007 20:00:00 | Հայաստան | Հասարակութիւն
ԷՋՄԻԱԾԻՆ, 1 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Վեհափառ Հայրապետը
Սեպտեմբերի 30-ից մինչեւ հոկտեմբեր 3-ը Գարեգին Բ Ծայրագոյն
Պատրիարք եւ Ամենայն Հայոց Կաթողիկոսը հովվապետական այց է կատարում
ԱՄՆ-ի Հայոց Արեւմտյան թեմում: Նորին Սրբութիւնը, կհանդիսապետի
թեմի 80-ամեակին նուիրուած մի շարք միջոցառումներ, ինչպէս նաեւ
Վեհափառ Հայրապետի ձեռամբ Արեւմտյան թեմում նաեւ կօծուի Փասադինայի
Սբ. Գրիգոր Լուսաւորիչ եկեղեցու Մայր խորանը, կկատարուի Հոլիվուդի
հայ համայնքի մշակոյթային կենտրոնի բացման հանդիսաւոր
արարողութիւնը:
Հոկտեմբեր 3-ից նոյեմբեր 2-ը Ամենայն Հայոց Կաթողիկոսը
հովվապետական այցով կլինի ԱՄՆ Հայոց Արեւելյան թեմում: Այդ
ընթացքում Վեհափառ Հայրապետը կայցելի հայկական տարբեր համայնքներ
ու ծխեր, կունենայ պաշտօնական ու միջեկեղեցական հանդիպումներ:
Ըստ Մայր Աթոռ Սբ. Էջմիածնի Տեղեկատուական համակարգից «ՆՈՅԵԱՆ
ՏԱՊԱՆ»-ին տրամադրած հաղորդագրութեան, սա Հայոց Հայրապետի երկրորդ
հովվապետական այցն է ԱՄՆ Արեւելյան թեմ. առաջինը եղել է 2001
թուականին:
Այցի ընթացքում վեհափառ Հայրապետին Մայր Աթոռ Սուրբ Էջմիածնից
ուղեկցելու են Մայր Աթոռի դիւանապետ Տ Արշակ եպիսկոպոս Խաչատրեանը,
Տեղեկատուական համակարգի օտարալեզու լրատւութեան պատասխանատու Տ.
Կտրիճ քահանա Դեւեջեանը եւ Տ. Յովնան աբեղայ Յակոբեանը` որպէս
գաւազանակիր: