ՆԻԿՈԼԱ ՍԱՐԿՈԶԻՆ ԿՈՂՄ Է ԻՐԱՆԱԿԱՆ ՄԻՋՈՒԿԱՅԻՆ ԽՆԴՐԻ ԼՈՒԾՄԱՆ
ՀԱՄԱՐ ԹԵՀՐԱՆԻ ՀԵՏ ԲԱՆԱԿՑՈՒԹԻՒՆՆԵՐԻՆ
24-09-2007 19:06:00 | | Միջազգային
ՓԱՐԻԶ, 24 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Ֆրանսիայի նախագահ
Նիկոլա Սարկոզին կողմ է արտայայտուել իրանական միջուկային խնդրի
լուծման նպատակով Թեհրանի հետ բանակցութիւնների վարելուն: Այս
մասին նա յայտարարել է «Նյու Եորք թայմս» թերթին տուած
հարցազրոյցում:
Սարկոզիի կարծիքով, չի կարելի թոյլ տալ, որպէսզի Թեհրանը
միջուկային զէնք ստեղծեի: Միաժամանակ նա աւելացրել է, որ Իրանի
ռմբակոծությունը չի համարում այդ երկրի վրայ ազդելու միակ հնարաւոր
միջոց:
«Այս երկու ծայրայեղ դիրքորոշումների միջեւ տեղ կայ այնպիսի
գործողութիւնների համար, ինչպիսին են բանակցութիւնները եւ
պատժամիջոցների խստացումը, բանավիճելու եւ Արեւմուտքի աւելի կարծր
դիրքորոշման համար: Ես չեմ օգտագործում «պատերազմ» բառը Իրանի
առնչութեամբ: Այն կարծիքը, թէ այլ ճանապարհ չկայ Իրանին
հնազանդեցնելու համար, քան ռազմական ուղին, ճիշտ չէ»,- ասել է
Ֆրանսիայի նախագահը: