ՊԱՂԵՍՏԻՆՑԻ ԳՐՈՀԱՅԻՆՆԵՐԸ ՀՐԹԻՌԱԿՈԾԵԼ ԵՆ ԻՍՐԱՅԵԼԱԿԱՆ
ՌԱԶՄԱԲԱԶԱՆ. ԿԱՆ ՏԱՍՆԵԱԿ ՎԻՐԱՒՈՐՆԵՐ
11-09-2007 14:40:00 | | Միջազգային
ԱՇԿԵԼՈՆ, 11 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Պաղեստինցի
գրոհայինները Գազայի հատուածից սեպտեմբերի 11-ին հրթիռակոծել են
Իսրայելի տարածքում գտնուող ռազմավարժական բազան, ինչի հետեւանքով
մարմնական տարբեր աստիճանի վնասուածքներ են ստացել 6 տասնեակից
աւելի իսրայելցի զինվորներ: Այս մասին հաղորդում են տեղական
լրատվամիջոցները:
Ըստ տեղեկութիւնների, Իսրայելի հարաւում` Աշկելոն քաղաքից ոչ
հեռու գտնուող ռազմաբազայի վրայ նետուել են «Քասամ» տիպի 2 հրթիռներ:
Հրթիռակոծութեան պատասխանատւութիւնը ստանձնել է պաղեստինեան
«Ազգային դիմադրութեան կոմիտէ» խմբաւորման ռազմական թեւը` «Սալահ
ադ Դինի բրիգադ»-ը: