«ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄԻ ԳԻՒՂԱԿԱՆ ԶԱՐԳԱՑՄԱՆ
ԾՐԱԳՐԻ ՇՐՋԱՆԱԿՆԵՐՈՒՄ ԿԸ ՎԵՐԱԿԱՌՈՒՑՈՒԻ ՏԱՒՈՒՇԻ ԽԱՇԹԱՌԱԿ ԳԻՒՂԻ
ԴՊՐՈՑԸ
04-09-2007 18:40:00 | Հայաստան | Հասարակութիւն
ԵՐԵՎԱՆ, 4 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: «Հայաստան» համահայկական
հիմնադրամի Գերմանիայի տեղական մարմինը Գերմանիայի հայ
գործարարների միութեան հետ համատեղ կհոգա Տաւուշի մարզի Խաշթառակ
գիւղի դպրոցի վերակառուցման եւ ամբողջական կահաւորման ծախսերը:
Ինչպէս «ՆՈՅԵԱՆ ՏԱՊԱՆ»-ի թղթակցին յայտնեցին հիմնադրամի
Հասարակայնութեան հետ կապերի բաժնից, աշխատանքներն իրականացւում են
հիմնադրամի Գիւղական զարգացման ծրագրի շրջանակներում:
Հիմնադրամի Գերմանիայի տեղական մարմինը այս ծրագրին աջակցելու
համար դրամահավաքության մի շարք միջոցառումներ է կազմակերպել:
Նշուեց, որ հիմնադրամի Շվեյցարիայի տեղական մարմինը նույնպես
կմասնակցի ծրագրին` ֆինանսավորելով դպրոցի գազիֆիկացումը եւ
ջեռուցման նոր համակարգի տեղադրումը:
Խաշթառակի դպրոցը կառուցուել է 1973թ.-ին եւ երբեք հիմնովին չի
նորոգուել: Ներկայումս դպրոց յաճախում է 251 աշակերտ:
Վերակառուցումից յետոյ այն կարող է ընդունել մինչեւ 600 աշակերտի ոչ
միայն Խաշթառակից, այլեւ հարեւան գիւղերից: