ՇՈՒՐՋ 1000-ՈՎ ԱՒԵԼԱՑԵԼ Է ՀԱՅԱՍՏԱՆԻ ՄԻՋԻՆ ԵՎ ՆԱԽՆԱԿԱՆ
ՄԱՍՆԱԳԻՏԱԿԱՆ ՀԱՍՏԱՏՈՒԹԻՒՆՆԵՐԻՆ ՅԱՏԿԱՑՈՒԱԾ ԱՆՎՃԱՐ ՈՒՍՈՒՑՄԱՆ
ՏԵՂԵՐԻ ԹԻՒԸ
10-08-2007 14:20:00 | Հայաստան | Հասարակութիւն
ԵՐԵՎԱՆ, 10 ՕԳՈՍՏՈՍԻ, ՆՈՅԵԱՆ ՏԱՊԱՆ: Սոցիալապէս անապահով
ընտանիքների երեխաներին միջին մասնագիտական եւ նախնական
մասնագիտական կրթութիւն ստանալու հնարաւորութիւն ընձեռելու
նպատակով այս տարի ընդհանուր առմամբ շուրջ 1000-ով աւելացուել է
անվճար ուսուցման տեղերի թիւը. այն միջին եւ նախնական մասնագիտական
ուսհաստատություններում կազմել է, համապատասխանաբար, 2568 եւ 2565:
Այս մասին «ՆՈՅԵԱՆ ՏԱՊԱՆ»-ի թղթակցին յայտնեց ՀՀ Կրթութեան եւ
գիտութեան նախարարութեան Միջին եւ նախնական մասնագիտական կրթութեան
բաժնի պետ Սամուէլ Պիպոյանը:
Նա նշեց, որ տարէցտարի նուազում են միջին եւ նախնական
մասնագիտական ուսումնական հաստատութիւնների դիմորդների թիւը.
նախորդ 7 տարիների ընթացքում այն շուրջ 3000-ով նուազել է եւ
2006թ.-ին կազմել 7000: Ըստ նրա, այս տարի յատկապէս նուազել է
երաշտական եւ արուեստի ուսումնական հաստատություւնների դիմորդների
թիւը: Կան նաեւ հաստատութիւններ, որտեղ մինչ օրս անվճար տեղերը
մնացել են թափուր: Ըստ Ս.Պիպոյանի, դիմորդները շատ են բժշկական,
տնտեսագիտական, հաշուապահական գործ մասնագիտութիւնների գծով:
Հայաստանում ներկայումս գործում են միջին պետական 80, ոչ
պետական 25 եւ նախնական մասնագիտական պետական 27 ուսումնական
հաստատութիւններ: Այդ հաստատութիւններում յուլիսի կէսերից սկսուած
ընդունելութեան քննությունները կշարունակուեն մինչեւ օգոստոսի վերջ: