ՇՈՒՐՋ 1000-ՈՎ ԱՎԵԼԱՑԵԼ Է ՀԱՅԱՍՏԱՆԻ ՄԻՋԻՆ ԵՎ ՆԱԽՆԱԿԱՆ
ՄԱՍՆԱԳԻՏԱԿԱՆ ՀԱՍՏԱՏՈՒԹՅՈՒՆՆԵՐԻՆ ՀԱՏԿԱՑՎԱԾ ԱՆՎՃԱՐ ՈՒՍՈՒՑՄԱՆ
ՏԵՂԵՐԻ ԹԻՎԸ
10-08-2007 14:20:00 | Հայաստան | Հասարակություն
ԵՐԵՎԱՆ, 10 ՕԳՈՍՏՈՍԻ, ՆՈՅՅԱՆ ՏԱՊԱՆ: Սոցիալապես անապահով
ընտանիքների երեխաներին միջին մասնագիտական եւ նախնական
մասնագիտական կրթություն ստանալու հնարավորություն ընձեռելու
նպատակով այս տարի ընդհանուր առմամբ շուրջ 1000-ով ավելացվել է
անվճար ուսուցման տեղերի թիվը. այն միջին եւ նախնական մասնագիտական
ուսհաստատություններում կազմել է, համապատասխանաբար, 2568 եւ 2565:
Այս մասին «ՆՈՅՅԱՆ ՏԱՊԱՆ»-ի թղթակցին հայտնեց ՀՀ Կրթության եւ
գիտության նախարարության Միջին եւ նախնական մասնագիտական կրթության
բաժնի պետ Սամվել Պիպոյանը:
Նա նշեց, որ տարեցտարի նվազում են միջին եւ նախնական
մասնագիտական ուսումնական հաստատությունների դիմորդների թիվը.
նախորդ 7 տարիների ընթացքում այն շուրջ 3000-ով նվազել է եւ
2006թ.-ին կազմել 7000: Ըստ նրա, այս տարի հատկապես նվազել է
երաշտական եւ արվեստի ուսումնական հաստատություւնների դիմորդների
թիվը: Կան նաեւ հաստատություններ, որտեղ մինչ օրս անվճար տեղերը
մնացել են թափուր: Ըստ Ս.Պիպոյանի, դիմորդները շատ են բժշկական,
տնտեսագիտական, հաշվապահական գործ մասնագիտությունների գծով:
Հայաստանում ներկայումս գործում են միջին պետական 80, ոչ
պետական 25 եւ նախնական մասնագիտական պետական 27 ուսումնական
հաստատություններ: Այդ հաստատություններում հուլիսի կեսերից սկսված
ընդունելության քննությունները կշարունակվեն մինչեւ օգոստոսի վերջ: