ԳԱԶԱ, 4 ՅՈՒԼԻՍԻ, ՆՈՅԵԱՆ ՏԱՊԱՆ: Ազատ է արձակուել Գազայի
յատուածում մարտի 12-ին առեւանգուած BBC-ի լրագրող Ալան Ջոնսթոնը:
Տեղեկութիւնների համաձայն, լրագրողին յանձնել են ՀԱՄԱՍ
շարժման ներկայացուցիչներին: Սակայն նրա ազատման մասին առայժմ
մանրամասներ չեն հաղորդւում: Նշւում է միայն, որ նախօրէին բախում է
տեղի ունեցել ՀԱՄԱՍ-ի եւ լրագրողին առեւանգած «Իսլամի բանակ»
խմբաւորման գրոհայինների միջեւ:
ՀԱՄԱՍ-ի առաջնորդները յայտարարել էին, թէ ամէն գնով ազատելու
են Ալան Ջոնսթոնին: Նրանք նոյնիսկ վերջնագիր էին ներկայացրել
«Իսլամի բանակ» խմբաւորմանը:
Նշենք, որ Ալան Ջոնսթոնը արեւմտյան միակ թղթակիցն էր, որը
մշտապէս ապրում եւ աշխատում էր Գազայի յատուածում: