ՎԱՀԷ ԱՂԱԲԵԿԵԱՆՑԸ ՆՇԱՆԱԿՈՒԵԼ Է «ՀԱՅԱՍՏԱՆ» ՀԱՄԱՀԱՅԿԱԿԱՆ
ՀԻՄՆԱԴՐԱՄԻ ԳՈՐԾԱԴԻՐ ՏՆՕՐԷՆ
20-06-2007 20:15:00 | Հայաստան | Հասարակութիւն
ԵՐԵՎԱՆ, 20 ՅՈՒՆԻՍԻ, ՆՈՅԵԱՆ ՏԱՊԱՆ: «Հայաստան» համահայկական
հիմնադրամի գործադիր տնօրէն Նաիրա Մելքումեանը իր դիմումի համաձայն
ազատվելէ աշխատանքից: Ինչպէս «ՆՈՅԵԱՆ ՏԱՊԱՆ»-ին յայտնեցին
հիմնադրամի Հասարակայնութեան հետ կապերի բաժնից, յունիսի 19-ի
նիստում հիմնադրամի հոգաբարձուների խորհուրդը «Հայաստան»
հիմնադրամի գործադիր վարչութեան տնօրէնի պաշտօնում հաստատել է Վահէ
Աղաբեկյանցին:
Վ.Աղաբեկեանցը ծնուել է Թեհրանում, կրթութիւն է ստացել
Միացեալ Նահանգներում, որտեղ մի քանի յաջողուած բիզնես
կազմակերպութիւններ է հիմնել ՏՏ ոլորտում` համագործակցելով
աշխարհի 500 խոշորագոյն կազմակերպութիւնների հետ: Հայաստան է
տեղափոխուել 1998-ին եւ 1999-ից աշխատել է որպէս ՀՀ արտաքին գործերի
նախարար Վարդան Օսկանեանի խորհրդական: Վերջին մէկուկէս տարիներին
ընթացքում Վ.Աղաբեկեանցը զբաղուել է մասնաւորապէս գիւղական
համայնքների զարգացման ծրագրով: