ՀԱՅԱՍՏԱՆՈՒՄ ՆԱԽԱՏԵՍՒՈՒՄ Է ԿԻՐԱՌԵԼ ՄԻՋԻՆ ՄԱՍՆԱԳԻՏԱԿԱՆ ԵՎ
ԲՈՒՀԱԿԱՆ ԱՒԱՐՏԱԿԱՆ ՔՆՆՈՒԹՅՈՒՆՆԵՐԻ ԿԱԶՄԱԿԵՐՊՄԱՆ ՆՈՐ ՄԵԽԱՆԻԶՄ
14-06-2007 19:40:00 | Հայաստան | Հասարակութիւն
ԵՐԵՎԱՆ, 14 ՅՈՒՆԻՍԻ, ՆՈՅԵԱՆ ՏԱՊԱՆ: Հայաստանում երկու տարի
յետոյ նախատեսւում է կիրառել միջին մասնագիտական եւ բուհական
պետական աւարտական քննությունների կազմակերպման նոր մեխանիզմ:
Ինչպէս յունիսի 14-ի ասուլիսում նշեց ՀՀ կրթութեան եւ գիտութեան
փոխնախարար Արա Աւետիսեանը, մասնագիտական կրթութիւնը չի կարող
ինքնանպատակ լինել եւ «մասնագիտութեան որակի պատուէրը պէտք է
ձեւակերպվի շուկայի կողմից»: Ըստ այդմ, որպէս գիտելիքների ստուգման
մեթոդ, նախարարութիւնը առաջարկում է պետական աւարտական
քննությունների յանձնաժողովներում ընդգրկել տարբեր
գերատեսչութիւնների միջոցով տարբեր ոլորտներից հրաւիրուած
լաւագոյն մասնագէտների: «Այս մեխանիզմը միանշանակ է դարձնում
շուկայ-մասնագիտական կրթութիւն յարաբերութիւնները» -ասաց
Ա.Աւետիսեանը:
ԴԱՍ. ՀԱՅԵՐԵՆ 
Հայերեն
Русский
English
French