THE JERUSALEM POST. «ՊԵՆՏԱԳՈՆԸ ՊԱՏՐԱՍՏԵԼ Է ԻՐԱՆԻՆ
ՀԱՐՈՒԱԾԵԼՈՒ ԾՐԱԳԻՐ»
11-06-2007 19:09:00 | | Միջազգային
ԹԵԼ ԱՒԻՒ, 11 ՅՈՒՆԻՍԻ, ՆՈՅԵԱՆ ՏԱՊԱՆ: Պենտագոնը պատրաստել է
Իրանին հարուածելու ծրագիր: Այս մասին The Jerusalem Post-ին
յայտնել են ամերիկեան բանակի բարձրաստիճան սպաներ, որոնց անունները
չեն նշւում: Նրանք հաստատել են նաեւ, որ զինուորական
ղեկավարութիւնը լիովին պաշտպանում է Ջորջ Բուշին` միջուկային զէնք
ստեղծել Թեհրանին թոյլ չտալու նրա ցանկութեան առումով:
Բանակային միջավայրում այն համոզուածութիւնը կայ, որ նախագահ
Բուշը ինչ-ինչ վճռական գործողութիւններ կձեռնարկի, ներառեալ
միջուկային արդիւնաբերութեան օբյեկտների ոչնչացմանն ուղղուած
ռազմական գործողութիւն, մինչեւ իր լիազօրութիւնների ժամկէտի
աւարտը:
Պենտագոնեան աղբիւրները նաեւ հնարաւոր ռազմական գործողութեան
որոշ մանրամասներ են յայտնել: Նրանց պնդմամբ, հիմնական դեր
կվերապահվի ԱՄՆ-ի ՌՕՈՒ-ին եւ ՌԾՈՒ-ին: Վերջինս, իրադարձութիւնների
զարգացման տարբերակներից մէկի համաձայն, կապահովի Իրանի լիակատար
շրջափակումը, որպէսզի թոյլ չտրուի նաւթի արտահանում:
Մայիսի վերջին Պարսից ծոց են ժամանել ԱՄՆ-ի ՌԾՈՒ երկու
ավիակիր խմբաւորումներ զորախաղերի մասնակցելու նպատակով: