ՀԱՅԼԻԳԵՆԴԱՄ, 8 ՅՈՒՆԻՍԻ, ՆՈՅԵԱՆ ՏԱՊԱՆ: Գերմանական
Հայլիգենդամ քաղաքում կայացած Մեծ ութնյակի առաջնորդների
գագաթնաժողովը մեծ յաջողութիւն է արձանագրել: Այս մասին ամփոփիչ
մամլոյ ասուլիսի ժամանակ յայտարարել է Գերմանիայի կանցլեր Անգելա
Մերկելը. «Ես կարող եմ ասել, որ սա յաջող գագաթնաժողով էր, քանի որ
այստեղ ընդունուել են հեռու գնացող որոշումներ»,- նշել է Մերկելը:
Գերմանիայի կանցլերը յատկապէս ընդգծել է Ութնյակի` Երկրագնդի
կլիմայի պաշտպանութեան կապակցութեամբ իրականացուելիք
միջոցառումների, աֆրիկեան պետութիւններին տրամադրուելիք օգնութեան
շուրջ ձեռք բերուած համաձայնութիւնները:
Գերմանիայի կանցլերը նշել է նաեւ, որ Կոսովոյի կարգավիճակի
հարցում մօտեցումները տարբեր են եղել: