ՄԻԱՍՆԱԿԱՆ ՔՆՆՈՒԹՅՈՒՆՆԵՐԻ ԳՈՐԾԸՆԹԱՑԸ ԿԳ ՆԱԽԱՐԱՐՈՒԹԻՒՆԸ
ԴՐԱԿԱՆ ԵՎ ՅԱՋՈՂՈՒԱԾ Է ՈՐԱԿՈՒՄ
07-06-2007 19:45:00 | Հայաստան | Հասարակութիւն
ԵՐԵՎԱՆ, 7 ՅՈՒՆԻՍԻ, ՆՈՅԵԱՆ ՏԱՊԱՆ: «Հայոց լեզու,
գրականութիւն» միասնական քննութեան գործընթացը կարելի է դրական եւ
յաջողուած որակել. այն կդառնայ նոր համակարգի ներդրման յաջող
մեկնարկը»,- յունիսի 7-ի ասուլիսում յայտնեց ՀՀ կրթութեան եւ
գիտութեան փոխնախարար Բագրատ Եսայանը` յաւելելով, որ յաջորդ տարի
եւս մի քանի առարկաների քննություններ կանցկացուեն միասնական: Նա
բնական համարեց այն հանգամանքը, որ ոչ բոլորն են գոհ նոր
համակարգով անցկացուող քննութեան ընթացքից: Ըստ Բ.Եսայանի, «դժգոհ
են այն դիմորդները, ովքեր չեն յաղթահարել իրենց առջեւ դրուած
նշաձողը եւ որոշ մասնագէտներ, որոնք դուրս են մնացել
ընդունելութեան քննութեան գործընթացից»: Նրա կարծիքով, այդ
մասնագէտները դժգոհ են, քանի որ նախկին համակարգը իրենց մեծ
ֆինանսական եկամուտների հնարաւորութիւն էր ընձեռում:
ԿԳ փոխնախարարը հաւաստիացրեց, որ նոր համակարգով բոլոր
դիմորդների համար ստեղծուել են հաւասար պայմաններ: «Եթէ թեստում
որեւէ բացթողում կամ թյուրիմացություն է եղել, ապա դա կուղղուի
յօգուտ բոլորի, ոչ թէ միայն` բողոքարկողի»,- ասաց Բ.Եսայանը:
Բ.Եսայանի տեղեկացմամբ, քննությունների ամբողջ ընթացքը
տեսագրված է եւ ծնողները, խախտումների վերաբերեալ շշուկներ
տարածելու փոխարէն, կարող են կոնկերտ փաստերով ներկայանալ
նախարարութիւն: Նա նշեց, որ տեսախցիկներ չեն տեղադրուել 170
քննական սենյակններից 70-ում, ուր ԿԳ նախարարի հրամանով խստացուել է
քննական վերահսկողութիւնը: «Նկարահանող տեխնիկայով ապահովել են
այն կենտրոնները, որոնք համարուել են առաւել ռիսկային, իսկ մնացած
վայրերում քննությունն անց է կացուել դիտորդների ներկայութեամբ»,-
նշեց Բ.Եսայանը: