ՀԱՅԱՍՏԱՆԻ ՊԱՏՄՈՒԹԵԱՆ ԹԱՆԳԱՐԱՆԻ ԵՎ ՓԱՐԱՋԱՆՈՎԻ ՏՈՒՆ-ԹԱՆԳԱՐԱՆԻ
ՏՆՕՐԵՆՆԵՐՆ ԱՐԺԱՆԱՑԱՆ ՎԱՍՏԱԿԱՒՈՐ ԳՈՐԾՉԻ ՊԱՏՈՒԱՒՈՐ ԿՈՉՄԱՆ
01-06-2007 20:15:00 | Հայաստան | Հասարակութիւն
ԵՐԵՎԱՆ, 1 ՅՈՒՆԻՍԻ, ՆՈՅԵԱՆ ՏԱՊԱՆ: Հայրենի մշակոյթի
զարգացման գործում ունեցած մեծ վաստակի համար, Հայաստանի տոնի
կապակցութեամբ, ՀՀ նախագահի հրամագրով Հայաստանի պատմութեան
թանգարանի տնօրէն Անելկա Սարգսեանին եւ Ս.Փարաջանովի
տուն-թանգարանի տնօրէն Զաւէն Սարգսեանին շնորհուել է վաստակաւոր
գործչի պատուաւոր կոչում: Յունիսի 1-ին ՀՀ մշակոյթի եւ
երիտասարդության հարցերի նախարար Յասմիկ Պողոսեանը նրանց յանձնեց
պատուաւոր կոչումների վկայականները:
Ըստ Հ.Պողոսեանի, Անելկա Սարգսեանը եւ Զաւէն Սարգսեանը
թանգարանների զարգացման գործում նշանակալից աւանդ ունեն: Իսկ
նախարարութիւնը, ըստ նրա, ամէն ինչ անում է, որպէսզի բարելաւուի
Հայաստանում գործող թանգարանների վիճակը:
Փարաջանովի տուն-թանգարանի տնօրէնը նշեց, որ թանգարանները
ներկայացնում են երկրի դէմքը, քանի որ այս կամ այն երկրի մասին
զբոսաշրջիկների առաջին տպավորությունները ձեւաւորւում են հենց
թանգարաններից: Ըստ Զ.Սարգսեյանի, թանգարանների պահպանման համար
անհրաժեշտ է հոգածութիւն եւ պետական աջակցութիւն:
Նշենք, որ Փարաջանովի եւ Հայաստանի պատմութեան թանգարանները
մասնակցել են Ֆրանսիայում Հայաստանի տարուայ շրջանակում անցկացուող
միջոցառումներին: Ֆրանսիայի տարբեր քաղաքներում ներկայացուել են
պատմութեան թանգարանի եզակի նմուշները եւ կինոռեժիսորի կոլաժները: