10 ՏԱՐՈՒԱՅ ԸՆԹԱՑՔՈՒՄ ՄԱԱ-ՈՒՄ ԿԱԶՄԱԿԵՐՊԵԼ ԵՆ 350-ԻՑ ԱՒԵԼԻ
ՀԱՆԴԻՊՈՒՄՆԵՐ ՔԱՂԱՔԱԿԱՆ, ՀԱՍԱՐԱԿԱԿԱՆ ԳՈՐԾԻՉՆԵՐԻ ՀԵՏ
22-05-2007 16:35:00 | Հայաստան | Հասարակութիւն
ԵՐԵՎԱՆ, 22 ՄԱՅԻՍԻ, ՆՈՅԵԱՆ ՏԱՊԱՆ: «1997թ.-ին հիմնադրուած
Մամուլի Ազգային ակումբը (ՄԱԱ) ստեղծուեց «վիճահարոյց նախագահական
ընտրութիւններից մէկ տարի անց, երբ հասարակական, քաղաքական կեանքը
թմրած էր եւ արթնության նշաններ ցոյց չէր տալիս»: Ամփոփելով ՄԱԱ-ի
10-ամեայ գործունէութիւնը, մայիսի 22-ի ասուլիսում ակումբի նախագահ
Նարինէ Մկրտչեանը նշեց, որ ակումբի հիմնադրումով իրենք փորձեցին
ցոյց տալ, որ հաւատում են երկրի ժողովրդավարութեան եւ ազգային
արժէքների կենսունակությանը: Ն.Մկրտչեանի խօսքերով, 10 տարուայ
ընթացքում ՄԱԱ-ում ընդհանուր առմամբ կազմակերպուել են 350-ից աւելի
հանդիպումներ քաղաքական, հասարակական եւ մշակոյթային գործիչների
հետ:
Անդրադառանալով ՄԱԱ-ի 10-ամեայ գործունէութեանը, «Նոյեան
տապան»-ի տնօրէն, ՄԱԱ-ի վարչութեան անդամ Տիգրան Յարութիւնեյանը
նշեց, որ մի շարք օբյեկտիվ պատճառներով նախատեսուած որոշ ծրագրեր
ՄԱԱ-ն չի յաջողել իրականացնել: Այդուամենայնիւ, ըստ նրա, նոյնիսկ
եթէ ՄԱԱ-ն ոչինչ չաներ, ապա միայն պաշտօնեաների հետ կազմակերպած
հանդիպումներն արդէն իսկ մէկ քայլ առաջխաղացում էին, քանի որ այդ
ժամանակաշրջանում քաղաքական որեւէ գործչից տեղեկատուութիւն ստանալը
բաւականին մեծ խնդիր էր: «Մենք ճեղքեցինք այդ լռութիւնը եւ
ձեւավորեցինք այնպիսի մի իրավիճակ, որ պաշտօնեան կարող էր գալ եւ
պատասխանել լրագրողների հարցերին»,- նշեց Տ.Յարութիւնեյանը: