ԵՐԵՎԱՆ, 17 ՄԱՅԻՍԻ, ՆՈՅԵԱՆ ՏԱՊԱՆ: ՀՀ վարչապետ Սերժ Սարգսեանը եւ ՀՀ-ում Ռումինիայի նորանշանակ արտակարգ եւ լիազօր դեսպան Քրինա Ռոդիքս Պրունարիուն մայիսի 17-ի հանդիպմանը նշել են, որ հայ-ռումինական յարաբերութիւնները զարգանում են բարձր մակարդակով` մշտական երկխօսութեան պայմաններում: Անդրադառնալով երկու երկրների միջեւ առեւտրատնետեսական յարաբերութիւններին, նրանք արձանագրել են, որ ի տարբերութիւն քաղաքական երկխօսութեան մէջ նկատւող ակտիւացման միտումներին, տնտեսական համագործակցութիւնը եւ երկու երկրների միջեւ առկայ ապրանքաշրջանառութեան ծաւալները դեռեւս բաւարար չեն եւ չեն արտացոլում կողմերի իրական հնարաւորութիւնները: ՀՀ վարչապետը եւ Ռումինիայի դեսպանն ընդգծել են տարածաշրջանային համագործակցութեան եւ տարածաշրջանի ընդհանուր զարգացմանն ու կայունութեան ամրապնդմանն ուղղուած Սեւծովեան տարածաշրջանի բոլոր պետութիւնների մասնակցութեան կարեւորութիւնը, այդ համատեքստում անդրադառնալով նաեւ ԵՄ-ի հովանու ներքոյ իրականացyող տնտեսական ծրագրերին Հայաստանի մասնակցութեանը:

---