ԻՆՁ ՄՕՏ ԱՅՆՊԻՍԻ ՏՊԱՒՈՐՈՒԹԻՒՆ Է, ԹԷ ԳՐԱՒԵԼ ԵՆՔ ԱՌԱՋԻՆ
ՏԵՂԸ,- ԱՍՈՒՄ Է ՀԱՅԿՈՆ
15-05-2007 20:30:00 | Հայաստան | Մշակոյթ
ԵՐԵՎԱՆ, 15 ՄԱՅԻՍԻ, ՆՈՅԵԱՆ ՏԱՊԱՆ: «Հայաստանի մասնակցութիւնը
«Եվրատեսիլ-2007»-ում անցաւ մեծ հաջողութեամբ: Թէեւ գրաւեցինք
ութերորդ տեղը, բայց իմ մօտ այնպիսի տպաւորութիւն է, թէ գրաւել
ենք առաջին տեղը, քանի որ ոչ միայն Հայաստանում, այլեւ Սփիւռքում
շատ լաւ է ընդունուել իմ կատարումը»: Այս մասին մայիսի 15-ի
ասուլիսում յայտարարեց մրցոյթում Հայաստանը ներկայացրած երգիչ
Հայկոն: Նրա խօսքերով, «Եվրատեսիլ-2007»-ին մասնակցում էին հզօր
ձայն ունեցող երգիչներ, սակայն նրանք չանցան նոյնիսկ եզափակիչ
փուլ, իսկ Սերբիայի յաղթանակը, ըստ Հայկոյի, շատերի համար
անսպասելի էր:
Հայաստանի Հանրային հեռուստաընկերութեան գործադիր տնօրէն
Արմէն Արզումանյանը նշեց, որ իրենք գոհ են արդիւնքից, քանի որ շատ
երկրներ մի քանի տարի է մասնակցում են այդ մրցոյթին, սակայն երբեք
չեն յաղթել, նոյնիսկ եզրափակիչ փուլ չեն անցել: Ըստ
Ա.Արզումանյանի, ինչպէս 2006թ.-ին, այնպէս էլ այս տարի Արելյան
Եւրոպայի եւ Սկանդինաւեան երկրները Հայաստանի օգտին ձայն չեն տուել:
«Իհարկէ, չպէտք է մոռանանք, որ մենք այդ մրցոյթին մասնակցելու քիչ
փորձ ունենք, բայց յուսով ենք, որ յետագայում աւելի բարձր տեղեր
կգրաուենք»,- նշեց նա:
Ի դէեպ, ֆիննական կղզիներից մէկը ֆինլանդահայերի
նախաձեռնութեամբ անուանուել է Հայկոյի անունով: