ՀԱՅԱՍՏԱՆՈՒՄ ԱՊՐՈՒՄ ԵՆ ՀԱՅՐԵՆԱԿԱՆ ՊԱՏԵՐԱԶՄԻ 7190 ՎԵՏԵՐԱՆՆԵՐ
08-05-2007 18:20:00 | Հայաստան | Հասարակութիւն
ԵՐԵՎԱՆ, 8 ՄԱՅԻՍԻ, ՆՈՅԵԱՆ ՏԱՊԱՆ: Հայաստանում ներկայումս
ապրում են Հայրենական պատերազմի 7190 վետերաններ, որոնցից մօտ
6300-ը հաշմանդամներ են: Այս մասին «ՆՈՅԵԱՆ ՏԱՊԱՆ»-ի թղթակցին
յայտնեց ՀՀ Աշխատանքի եւ սոցիալական հարցերի նախարարութեան
Հաշմանդամների եւ տարեցների հիմնահարցերի վարչութեան պետի տեղակալ
Անահիտ Գեւորգեանը:
Նա նշեց, որ վետերանների կենսաթոշակի միջին չափը կազմում է 20
հազար դրամ (մօտ 56 ԱՄՆ դոլար): Բացի այդ, «Հայրենական պատերազմի
վետերանների» մասին ՀՀ օրէնքի համաձայն, բոլոր վետերանները ստանում
են ամենամսեայ պատվովճար` 10000 դրամ, իսկ 2004թ.-ից որոշ
արտօնութիւնների փոխարէն` 3800-5700 դրամ օգնութիւն:
Ա.Գեւորգեանը նշեց, որ վետերանները բնակվարձի, աղբահանութեան,
ռադիոյի եւ հեռախօսի բաժանորդային վարձավճարները մուծում են 50%-ի
չափով: Նրանք նաեւ օգտւում են անվճար բժշկական օգնութիւն,
դեղորայք, անհրաժեշտութեան դէպքում առողջարանային անվճար ուղեգիր
ստանալու, ինչպէս նաեւ ԱՊՀ երկրների տարածքում տարին մէկ անգամ
անվճար երթեւեկելու արտօնութիւններից: