ՀԱՅ ՇԱԽՄԱՏԻՍՏՆԵՐԻ ՓԱՅԼՈՒՆ ՅԱՋՈՂՈՒԹԻՒՆՆԵՐԸ ՈԳԵՎՈՐԻՉ ԵՆ
ՇԱՏԵՐԻ ՀԱՄԱՐ
04-05-2007 20:05:00 | Հայաստան | Սպորտ
ԵՐԵՎԱՆ, 4 ՄԱՅԻՍԻ, ՆՈՅԵԱՆ ՏԱՊԱՆ: ՀՀ նախագահ Ռոբերտ Քոչարեանը
մայիսի 4-ին ընդունել է Շախմատի միջազգային ֆեդերացիայի նախագահ
Կիրսան Իլյումժինովին, շախմատի աշխարհի չեմպիոն Վլադիմիր Կրամնիկին
եւ աշխարհի գաւաթակիր Լեւոն Արոնեանին: Ըստ ՀՀ նախագահի Մամլոյ
գրասենեակից «ՆՈՅԵԱՆ ՏԱՊԱՆ»-ին տրամադրած հաղորդագրութեան,
հանդիպմանը մասնակցել է նաեւ Հայաստանի շախմատի ֆեդերացիայի
նախագահ, վարչապետ Սերժ Սարգսեանը:
Ողջունելով ժամանակակից շախմատային աշխարհի երկու
ուժեղագույնների աննախադէպ մրցամարտի
Հայաստանում անցկացումը, ՀՀ
նախագահը յաջողութիւն է մաղթել նրանց եւ ցանկութիւն յայտնել, որ
նման մրցախաղերը դառնան աւանդական:
Ռ.Քոչարեանի խօսքերով, հայ շախմատիստների վերջին շրջանի
փայլուն յաջողութիւնները, միմեանց յաջորդող յաղթանակները ոգեւորիչ
օրինակ են դարձել շատերի համար եւ մեծացել է ձգտումը դէպի շախմատը:
ԴԱՍ. ՀԱՅԵՐԵՆ 
Հայերեն
Русский
English
French