ՄԵԾ ՀԱՅՐԵՆԱԿԱՆԻ 95 ՎԵՏԵՐԱՆՆԵՐԻ ՅԱՆՁՆՈՒԵՑԻՆ «ՄԱՐՇԱԼ
ԲԱՂՐԱՄԵԱՆ» ՄԵԴԱԼՆԵՐ
02-05-2007 19:33:00 | Հայաստան | Հասարակութիւն
ԵՐԵՎԱՆ, 2 ՄԱՅԻՍԻ, ՆՈՅԵԱՆ ՏԱՊԱՆ: Հայրենական մեծ պատերազմում
յաղթանակի 62-րդ եւ Շուշիի ազատագրման 15-րդ տարեդարձի
կապակցութեամբ մարշալ Բաղրամեանի մեդալներով պարգեւատրուեցին
պատերազմի 95 վետերաններ: Եվս 24 բժիշկներ նոյն պարգեւին
արժանացան ղարաբաղեան պատերազմում եւ Հայաստանի սահմանների
պաշտպանութեան գործում ունեցած ներդրման համար: Մայիսի 2-ին
Երեւանի «Արնո Բաբաջանեան» համերգասրահում պարգեւները նրանց
յանձնեց ՀՀ պաշտպանութեան նախարար Միքայէլ Հարությույանը:
«62 տարի առաջ հայ զինվորը այլ ազգերի զինվորների հետ միասին
յաղթանակ տարաւ ֆաշիզմի դէմ պայքարում: Նրանք քիչ են մնացել, եւ
մենք պէտք է գնահատենք նրանց սխրանքը, քանի որ նման գնահատանքը շատ
թանկ է նրանց համար»,- լրագրողների հետ զրոյցում նշեց
Մ.Հարութույանը: Միաժամանակ նախարարը նշեց, որ վետերաններն ունեն
սոցիալական խնդիրներ, եւ դա կապուած է երկրի տնտեսութեան ընդհանուր
խդիրների հետ: Սակայն, ինչպէս հաւաստիացրեց Մ.Հարութույանը,
պետութիւնը միշտ էլ կգտնի հնարաւորութիւն օգնելու նրանց: