ԵՐԵՎԱՆ, 27 ԱՊՐԻԼԻ, ՆՈՅԵԱՆ ՏԱՊԱՆ: Գիւմրիում սկսուել է
ֆիքսուած հեռախօսակապի նոր բաժանորդային ցանցի կառուցումը, որը
նախատեսուած է 20 հազար բաժանորդների համար: Ինչպէս տեղեկացնում են
«արմէնտել»-ից, նոր ցանցը կապի ժամանակակից ծառայութիւններից
օգտուելու հնարաւորութիւն կնձեռնի Գիւմրիի բոլոր բնակիչներին եւ
կազմակերպություններին: Նշւում է նաեւ որ Գիւմրիի բաժանորդային
ցանցը երկրաշարժից յետոյ զգալի վնասներ է կրել եւ գտնւում է ոչ
բաւարար վիճակում: Գիւմրիի քաղաքային ցանցի կառուցումը քանիցս
ներառվել է «արմէնտել»-ի զարգացման ծրագրերի մէջ, սակայն տարբեր
պատճառներով յետաձգվել է:
Ցանցի կառուցման աշխատանքների առաջին փուլը նախատեսւում է
աւարտել 2007թ.-ի վերջում, իսկ երկրորդը` 2008թ.-ի երրորդ
եռամսյակի աւարտին: Համապատասխանաբար երկու փուլերով կընթանան նաեւ
բաժանորդային հեռախօսագծերի վերամիացման աշխատանքները: Նշւում է,
որ մօտ մէկ տարի առաջ Գիւմրիում շահագործման յանձնուած «Ալկատել»
կայանը համապատասխանում է միջազգային չափանիշներին եւ ունի 32 000
հեռախոսահամարի տարողութիւն: