«ԵՒՐՕ-2008»-Ի ԾՐԱԳՐՈՎ ՄԱՐՏԻ 28-ԻՆ ԿԿԱՅԱՆԱՅ ԼԵՀԱՍՏԱՆ-ՀԱՅԱՍՏԱՆ
ՀԱՆԴԻՊՈՒՄԸ
27-03-2007 19:25:00 | Հայաստան | Սպորտ
ԵՐԵՎԱՆ, 27 ՄԱՐՏԻ, ՆՈՅԵԱՆ ՏԱՊԱՆ: Լեհաստան է մեկնել ֆուտբոլի
Հայաստանի ազգային հաւաքականը, որը «Եւրօ-2008»-ի ծրագրով մարտի
28-ին Կելցե քաղաքի «Կորոնա» մարզադաշտում կմրցի այդ երկրի
հաւաքականի հետ: Թիմը մրցավայր են ուղեկցել մարզիչներ Վարդան
Մինասեանը եւ Արմէն Գիւլբուդաղեանցը: Հայաստանը խաղին հայտավորել
է 20 ֆուտբոլիստի. դարպասապահներ` Ռոման Բերեզովսկի, Գեւորգ
Կասպարով, պաշտպաններ` Սարգիս Յովսեփեան, Ռոբերտ Արզումանյան,
Վալերի Ալեքսանեան, Եղիշե Մելիքյան, Արարատ Առաքելեան, Կարեն
Դոխոյան, կիսապաշտպաններ` Լեւոն Պաչաջյան, Ռաֆայէլ Նազարեան,
Հենրիկ Մխիթարեան, Արտաւազդ Քարամյան, Ռոմիկ Խաչատրեան, Սամուէլ
Մելքոնեան, Համլետ Մխիթարեան, Արմէն Շահգելդեան, հարձակւողներ` Արա
Յակոբեան, Էդգար Մանուչարեան, Ռոբերտ Զեբելյան, Արման Քարամյան:
Խաղը սպասարկելու է Նորվեգիայի մրցավարական խումբը` ՖԻՖԱ-ի
մրցավար Ռունե Պետերսոնի գլխաւորութեամբ: