ՀԱՅԱՍՏԱՆՈՒՄ ՎԵՐՋԻՆ ՕՐԵՐԻՆ ԴԻՏԱՐԿՈՒՈՂ ԱՄՆ ԴՈԼԱՐԻ ԱՐԺԵՎՈՐՈՒՄԸ
ՊԱՅՄԱՆԱՒՈՐՈՒԱԾ Է ԱՌԱՋԻԿԱՅ ԸՆՏՐՈՒԹՅՈՒՆՆԵՐՈՎ
13-03-2007 20:00:00 | Հայաստան | Տնտեսութիւն
ԵՐԵՎԱՆ, 13 ՄԱՐՏԻ, ՆՈՅԵԱՆ ՏԱՊԱՆ: Վերջին օրերին Հայաստանում
ԱՄՆ դոլարի արժեվորումը պայմանաւորուած է առաջիկայ խորհրդարանական
ընտրություններով: Ինչպէս մարտի 13-ի ասուլիսում յայտնեց տնտեսագէտ
Էդուարդ Աղաջանովը, ապրիլ-մայիս ամիսներին դոլարի փոխարժեքը աւելի
կաճի: Ըստ նրա, ոմանք նախկինում բաւականին ցածր փոխարժեքով գնելով
ԱՄՆ դոլար, նախընտրական արշաւի ընթացքում այն պէտք է վաճառեն բարձր
գնով, որպէսզի «այդ արշաւը էժան լինի, կամ ձրի»:
Ըստ Է.Աղաջանովի, 2006թ.-ին Հայաստանի արտահանման աճի տեմպը 7
անգամ զիջել է ներմուծման աճի տեմպին, որոնք կազմել են,
համապատասխանաբար, 21,8% եւ 3,1%: Ընդ որում, արտահանումն աճել է
ընդամէնը 30 մլն դոլարով: Բացի այդ, 2006թ.-ին ՀՆԱ-ի 13,4% աճի
դէպքում արտաքին առեւտրի դեֆիցիտը աճել է 44%-ով: Եթէ 2003թ.-ին
արտաքին առեւտրի դեֆիցիտը կազմել է 591 մլն դոլար, ապա անցած տարի`
1 մլրդ 190 մլն դոլար: Սա, ըստ Է.Աղաջանովի, վկայում է այն մասին,
որ Հայաստանի տնտեսութիւնը անկանխատեսելի: