ՀԱՅԱՍՏԱՆԻ ԳԻՒՂՀԱՄԱՅՆՔՆԵՐԻ 75%-Ը ԸՆԴԳՐԿՈՒԱԾ Է «ՀԱԶԱՐԱՄՅԱԿԻ
ՄԱՐՏԱՀՐԱՎԵՐՆԵՐ» ԾՐԱԳՐՈՒՄ
23-02-2007 19:10:00 | Հայաստան | Տնտեսութիւն
ԵՐԵՎԱՆ, 23 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Գիւղական բնակավայրերի
ենթակառուցուածքների զարգացման եւ աղքատութեան մակարդակի նուազեցման
նպատակով «Հազարամյակի մարտահրավերներ» ծրագրով Հայաստանին
յատկացուելիք 236 մլն ԱՄՆ դոլարից 67 մլն ԱՄՆ դոլարով նախատեսւում է
վերականգնել 943 կմ ընդհանուր երկարության ճանապարհներ, այդ թւում`
321 կմ-ը` հանրապետական, 622 կմ-ը` տեղական նշանակութեան: Այս
մասին փետրուարի 23-ին կազմակերպուած քննարկման ժամանակ յայտնեց
ծրագրի իրականացնող` «Հազարամյակի մարտահրաւեր
հիմնադրամ-Հայաստան», կազմակերպութեան գլխաւոր գործադիր տնօրէն Արա
Յովսէփեանը: Նրա խօսքերով, համայնքային ճանապարհների վերականգնման
ծրագրի շահառուներ կդառնան 261 գիւղեր: Իսկ ընդհանուր առմամբ,
ծրագրի շահառու կդառնայ հանրապետութեան գյուղբնակավայրերի մօտ
75%-ը:
Ըստ համայնքային ճանապարհների վերականգնման ծրագրի ղեկավար
Յակոբ Պետրոսեանի, ճանապարհների բարեկարգումը կնպաստի իրացւող
գիւղատնտեսական ապրանքի ինքնարժէքի նուազեցմանը, ինչպէս նաեւ
գիւղաբնակների եկամուտների աճին:
Ոռոգման համակարգի զարգացման համար, ըստ ծրագրի ղեկավար
Տիգրան Քալանթարյանի, նախատեսւում է կառուցել 18 ինքնահոս
համակարգեր, վերակառուցել 58 պոմպակայաններ, 7 ջրամբարներ եւ 24
հազ. հեկտար դրենաժային համակարգեր:
«Հիմնական արդիւնքը, որ մենք ակնկալում ենք ողջ ծրագրի
իրականցման հինգ տարիներին, գիւղական համայնքներում աղքատութեան
մակարդակի եւս 6%-ով կրճատումն է»,- նշեց Ա.Յովսէփեանը: