2008 Թ.-ԻՑ ՀԱՅԱՍՏԱՆՈՒՄ ԱՒՏՈՏՐԱՆՍՊՈՐՏԱՅԻՆ ՄԻՋՈՑՆԵՐԻ
ՏԵԽԶՆՆՈՒՄԸ ԿԻՐԱԿԱՆԱՑՆԵՆ ԼԻՑԵՆԶԱՎՈՐՎԱԾ ԸՆԿԵՐՈՒԹԻՒՆՆԵՐԸ
15-02-2007 19:10:00 | Հայաստան | Հասարակութիւն
ԵՐԵՎԱՆ, 15 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 15-ի նիստում ՀՀ
կառավարութիւնը հաստատել է ՀՀ-ում տրանսպորտային միջոցների
պարտադիր տեխնիկական զննության անցկացման կարգը: Փաստաթղթով
սահմանւում է, որ տրանսպորտային միջոցների պարտադիր տեխնիկական
զննությունն իրականացւում է ՀՀ օրէնսդրութեանը համապատասխան
լիցենզավորված իրաւաբանական անձանց կամ անհատ ձեռնարկատէրերի
արտադրական բազայում` տեխնիկական արատորոշման միջոցների
օգտագործմամբ: Տեխնիկական զննություն իրականացնողների
լիցենզավորումը եւ լիցենզիայի պայմանների կատարման նկատմամբ
հսկողութիւնն իրականացնում է ՀՀ Տրանսպորտի եւ կապի
նախարարութիւնը` «Լիցենզաւորման մասին» ՀՀ օրէնքով սահմանուած
կարգով:
Մէկ այլ որոշմամբ կառավարութիւնը հաստատել է ՀՀ-ում
տրանսպորտային միջոցների տեխնիկական զննության անցկացման
գործունէութեան լիցենզաւորման կարգը եւ լիցենզիայի ձեւը:
Ինչպէս նիստից յետոյ յայտնեց ՀՀ տրանսպորտի եւ կապի նախարար
Անդրանիկ Մանուկեանը, յաջորդ տարուանից տեխզննումը կիրականացնեն
լիցենզավորված ընկերութիւնները, որոնք կընտրուեն մրցութային
կարգով, անժամկէտ: Մրցոյթը կյայտարարուի մայիսին: Նախատեսւում է,
որ հանրապետութիւնում կգործեն 50 լիցենզավորված ընկերութիւններ:
Ա.Մանուկեանը նշեց, որ լիցենզիա ստանալու համար
ընկերութիւնները պէտք է կատարեն մի շարք պահանջներ: Մասնաւորապէս,
տեխզննումն ապահովող հոսքագծերի տեղադրման համար պէտք է ունենան
1500 քառ.մ տարածք, եւս 180 քառ.մ` շինութեան համար: Նշուեց, որ ՀՀ
տարածքում կայ 302 հազար 552 ավտորանսպորտային միջոց: Նախնական
հաշուարկներով, մէկ հոսքագիծը կարող է տարեկան սպասարկել 5200
մեքենա: Մէկ հոսքագծի արժէքը կազմում է 37-170 հազար դոլար:
Նշուեց, որ մինչեւ 5 տարուայ արտադրութեան մեքենաների տեխզննումը
կանցկացուի 2 տարին մէկ անգամ, կանոնաւոր փոխադրումներ իրականացնող
մեքենաներինը` տարին 2 անգամ, մնացածինը` տարին մէկ անգամ:
Ա.Մանուկեանը տեղեկացրեց նաեւ, որ տեխզննման սակագները
սահմանում է ՀՀ Հանրային ծառայութիւնները կարգաւորող
յանձնաժողովը: