Եւս մէկ կեղծարարութիւն` կապուած Հէյդար Ալիեւի անուան հետ
13-07-2011 09:53:30 | Հայաստան | Քաղաքական
Արդէն սովորական երեւոյթ է դարձել Հէյդար Ալիեւի անունը Ադրբեջանի պատմութեան տարբեր ժամանակաշրջանների եւ իրադարձութիւնների առնչութեամբ յիշատակելը: Այդ մասին յայտնում է ադրբեջանական «Ազադլըգ» թերթը` նշելով, որ Շիրվան քաղաքում տեղադրուած ցուցապաստառում Հէյդար Ալիեւը ներկայացուած է որպէս Ադրբեջանի Դեմոկրատական Հանրապետութեան հիմնադիր:
«Ինչպէս է հնարաւոր, որ 1923 թ. ծնուած Հէյդար Ալիեւը լինի 1918 թ. ձեւաւորուած Ադհ-ի հիմնադիրը»,- տարակուսում է ադրբեջանցի լրագրողը:
«Պատմական կեղծարարութիւնը դարձել է սովորութիւն կառավարող Յենի Ազերբայջան (Նոր Ադրբեջան) կուսակցութեան համար, որն այլեւս չի քաշւում ակներեւ փաստերը անամօթաբար կեղծելուց»,- եզրակացնում է «Ազադլըգը»: