Եվս մեկ կեղծարարություն` կապված Հեյդար Ալիեւի անվան հետ
13-07-2011 09:53:30 | Հայաստան | Քաղաքական
Արդեն սովորական երեւույթ է դարձել Հեյդար Ալիեւի անունը Ադրբեջանի պատմության տարբեր ժամանակաշրջանների եւ իրադարձությունների առնչությամբ հիշատակելը: Այդ մասին հայտնում է ադրբեջանական «Ազադլըգ» թերթը` նշելով, որ Շիրվան քաղաքում տեղադրված ցուցապաստառում Հեյդար Ալիեւը ներկայացված է որպես Ադրբեջանի Դեմոկրատական Հանրապետության հիմնադիր:
«Ինչպես է հնարավոր, որ 1923 թ. ծնված Հեյդար Ալիեւը լինի 1918 թ. ձեւավորված ԱԴՀ-ի հիմնադիրը»,- տարակուսում է ադրբեջանցի լրագրողը:
«Պատմական կեղծարարությունը դարձել է սովորություն կառավարող Յենի Ազերբայջան (Նոր Ադրբեջան) կուսակցության համար, որն այլեւս չի քաշվում ակներեւ փաստերը անամոթաբար կեղծելուց»,- եզրակացնում է «Ազադլըգը»: