Ամենայն Հայոց Կաթողիկոսն ընդունել է ԵՀԽ-ի Եւրոպական
տարածաշրջանային գործընկերների խմբի ժողովի մասնակիցներին
12-10-2009 18:36:00 | Հայաստան | Հասարակութիւն
ԷՋՄԻԱԾԻՆ, 12 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հոկտեմբերի 12-ին
Գարեգին Բ Ծայրագոյն Պատրիարք եւ Ամենայն Հայոց Կաթողիկոսն
ընդունել է հոկտեմբերի 12-15-ին Երեւանում անցկացուելիք Եկեղեցիների
Համաշխարհային Խորհրդի Եւրոպական տարածաշրջանային գործընկերների
խմբի (ԵՏԳԽ) ժողովի մասնակիցներին:
Խումբը, որ երկրորդ անգամ է իր հաւաքն անցկացնում
Հայաստանում, կազմուած է Արեւմտյան Եւրոպայի էկումենիկ
գործակալութիւններից եւ Արեւելյան Եւրոպայի Կլոր սեղաններից: Այս
տարեկան հաւաքների ընթացքում քննարկւում են Եկեղեցիների
սոցիալական, դիակոնիկ եւ զարգացման աշխատանքների փորձը եւ
հեռանկարները: Ինչպէս «ՆՈՅԵԱՆ ՏԱՊԱՆ»-ին յայտնեցին Մայր Աթոռ Սբ.
Էջմիածնի Տեղեկատուական համակարգից, ԵՏԳԽ-ի այս տարուայ ժողովն
անդրադառնալու է Արեւելյան Եւրոպայի համար մեծ կարեւորութիւն
ունեցող մի շարք խնդիրների, ինչպէս օրինակ` աղքատութիւն,
միգրացիա, ՄԻԱՎ/ՁԻԱՀ, մարդավաճառություն, ինչպէս նաեւ Եւրոպական
Կլոր սեղանների դերը փոփոխվող աշխարհում:
Հանդիպմանը Նորին Սրբությունն իր գոհունակութիւնն է յայտնել
հերթական հաւաքը Հայաստանում կազմակերպելու առիթով, ապա իր
գնահատանքը փոխանցել ժողովի մասնակիցներին Արեւելյան եւ Արեւմտյան
Եվրոպայում իրականացyող ԵՏԳԽ-ի կարեւոր առաքելութեան համար: Հայոց
Հայրապետն անդրադարձել է Հայոց Եկեղեցու ծառայութեանը սոցիալական
ոլորտում, որը մշտապէս ընդարձակվում է նորանոր ծրագրերով,
արձանագրուած յաջողութիւններին եւ մարտահրավերներին: Այդ ոլորտում
Նորին Սրբութիւնը կարեւորել է նաեւ Հայաստանեան Կլոր սեղան
հիմնադրամի գործունէութիւնը: