Հայաստանում 2008թ.-ին պաշտպանութեան ծախսերը նախորդ տարուայ
համեմատ աճել են 25%-ով
29-05-2009 19:32:00 | Հայաստան | Տնտեսութիւն
ԵՐԵՎԱՆ, 29 ՄԱՅԻՍԻ, ՆՈՅԵԱՆ ՏԱՊԱՆ: Հայաստանում հասարակական
կարգի, անվտանգութեան եւ դատական գործունէութեան բնագաւառում
2008թ.-ի պետբիւջէից տրամադրվել է 61,7 մլրդ դրամ: Մայիսի 29-ին
ՀՀ Ազգային Ժողովում 2008թ.-ի պետական բիւջէի կատարման մասին
տարեկան հաշուետւութեան նախագծի նախնական քննարկումների ժամանակ ՀՀ
փոխոստիկանապետ Յովհաննէս Յունանեանը յայտնեց, որ ոստիկանութեան
բնագաւառում իրականացyող 6 ծրագրերի համար տրամադրվել է 27 մլրդ
դրամ, որից 20,8 մլրդ-ը` հասարակական կարգի պահպանման ապահովման
համար: 2007թ.-ի համեմատ ծախսերն աճել են 12%-ով կամ 2,2 մլրդ
դրամով, ինչը, հիմնականում, պայմանաւորուած է աշխատավարձի եւ դրան
հաւասարեցուած վճարների աւելացմամբ:
Ի պատասխան «Ժառանգութիւն» խմբակցութեան ղեկավար Արմէն
Մարտիրոսեանի հարցի, ոստիկանապետի տեղակալը նշեց, որ տարուայ
ընթացքում ձեռք են բերուել ոստիկանութեան համար անհրաժեշտ յատուկ
միջոցներ, այդ թւում` վահաններ, մահակներ, սաղաւարտներ, կապի
միջոցներ: Մինչեւ ընթացիկ տարուայ սեպտեմբեր ոստիկանութիւնը կունենայ
եւս երկու ջրցան մեքենա ի յաւելումն արդէն եղածների, որոնք անսարք
վիճակում էին, սակայն նորոգուել են:
Ըստ Ազգային անվտանգութեան ծառայութեան պետի տեղակալ Ֆելիքս
Ցոլակյանի, ոլորտին 2008թ.-ին յատկացուած 12,6 մլրդ դրամի
ֆինանսավորումը կատարուել է գրեթէ ամբողջութեամբ: 2007 թ.-ի համեմատ
ֆինանսավորումն աւելացել է 12%-ով կամ 2,2 մլրդ դրամով:
Հիմնականում միջոցներն ուղղուել են համակարգի պահպանման ծախսերին:
4,9 մլն դրամ ուղղուել է կապիտալ շինարարութեանը, այդ թւում`
հայ-վրացական սահմանին երկու նոր ուղեկալների կառուցմանը:
Ինչպէս լրագրողներին տեղեկացրեց ՀՀ ֆինանսների նախարարի
տեղակալ-գլխաւոր գանձապետ Ատոմ Ջանգուղազյանը, 2008թ.-ին
պաշտպանութան բնագաւառի ծրագրերի համար տրամադրվել է 121,2 մլրդ
դրամ: 2007թ.-ի համեմատ այս բնագաւառի ծախսերն աճել են 25,1%-ով: