Մարտ ամսին Հայաստանի Ֆինանսների նախարարութիւնը տրամադրել է
շահումով խաղի կազմակերպման երկու լիցենզիա
09-04-2009 17:50:00 | Հայաստան | Տնտեսութիւն
ԵՐԵՎԱՆ, 9 ԱՊՐԻԼԻ, ՆՈՅԵԱՆ ՏԱՊԱՆ: Մարտ ամսին Հայաստանի
Ֆինանսների նախարարութիւնը տրամադրել է շահումով խաղի
կազմակերպման երկու լիցենզիա: Նշուած ժամանակահատուածում շահումով
խաղի կազմակերպման 5 եւ խաղատան կազմակերպման 2 լիցեզիաներ ուժը
կորցրած են ճանաչուել, ինչպէս նաեւ արձանագրուել են 1 խաղատան եւ 10
շահումով խաղի կազմակերպման լիցենզիայի գործողութեան կասեցման
համար հիմք հանդիսացող խախտումներ:
Մարտ ամսուայ ընթացքում այս ոլորտից գանձուել է 50 մլն դրամ
պետական տուրք, որից 25 մլն դրամ` շահումով խաղերի գծով եւ
նոյնքան էլ խաղատների գծով: Իսկ 2009թ.-ի առաջին եռամսյակի
ընթացքում գանձուել է 135 մլն դրամ պետական տուրք, այդ թւում 85 մլն
դրամ` շահումով խաղերից, 50 մլն դրամ` խաղատներից:
Ըստ ՀՀ Ֆինանսների նախարարութեան Տեղեկատուութեան եւ
հասարակայնութեան հետ կապերի բաժնի հաղորդագրութեան, ապրիլի 1-ի
դրութեամբ ուժի մէջ են 116 շահումով խաղի, 12 խաղատան եւ 4
վիճակախաղի կազմակերպման լիցենզիաներ: