ԵՐԵՎԱՆ, 9 ԱՊՐԻԼԻ, ՆՈՅՅԱՆ ՏԱՊԱՆ: Մարտ ամսին Հայաստանի Ֆինանսների նախարարությունը տրամադրել է շահումով խաղի կազմակերպման երկու լիցենզիա: Նշված ժամանակահատվածում շահումով խաղի կազմակերպման 5 եւ խաղատան կազմակերպման 2 լիցեզիաներ ուժը կորցրած են ճանաչվել, ինչպես նաեւ արձանագրվել են 1 խաղատան եւ 10 շահումով խաղի կազմակերպման լիցենզիայի գործողության կասեցման համար հիմք հանդիսացող խախտումներ: Մարտ ամսվա ընթացքում այս ոլորտից գանձվել է 50 մլն դրամ պետական տուրք, որից 25 մլն դրամ` շահումով խաղերի գծով եւ նույնքան էլ խաղատների գծով: Իսկ 2009թ.-ի առաջին եռամսյակի ընթացքում գանձվել է 135 մլն դրամ պետական տուրք, այդ թվում 85 մլն դրամ` շահումով խաղերից, 50 մլն դրամ` խաղատներից: Ըստ ՀՀ Ֆինանսների նախարարության Տեղեկատվության եւ հասարակայնության հետ կապերի բաժնի հաղորդագրության, ապրիլի 1-ի դրությամբ ուժի մեջ են 116 շահումով խաղի, 12 խաղատան եւ 4 վիճակախաղի կազմակերպման լիցենզիաներ:

---