Հայաստանի ԿԲ-ն «ԶԱՐԳԱՑՄԱՆ ՀԱՅԿԱԿԱՆ ԲԱՆԿ»-ին տրամադրել է
«ՄԱՆԻ ԳՐԱՄ», «Արդշինինվեսբանկ»-ին` «ՌԻԱ ՄԱՆԻ ԹՐԵՆՍՖԸՐ» եւ
«ԻՆՏԵԼԷՔՍՊՐԵՍ» արտասահմանեան վճարահաշվարկային համակարգերում
Հայաստանի ԿԲ-ն «ԶԱՐԳԱՑՄԱՆ ՀԱՅԿԱԿԱՆ ԲԱՆԿ»-ին տրամադրել է
«ՄԱՆԻ ԳՐԱՄ», «Արդշինինվեսբանկ»-ին` «ՌԻԱ ՄԱՆԻ ԹՐԵՆՍՖԸՐ» եւ
«ԻՆՏԵԼԷՔՍՊՐԵՍ» արտասահմանեան վճարահաշվարկային համակարգերում
07-04-2009 15:50:00 | Հայաստան | Տնտեսութիւն
ԵՐԵՎԱՆ, 7 ԱՊՐԻԼԻ, ՆՈՅԵԱՆ ՏԱՊԱՆ: ՀՀ Կենտրոնական բանկի
խորհուրդը ապրիլի 7-ի նիստում հաստատել է «Կարգաւորւող շուկայի
օպերատորի կողմից իր ինտերնետային կայքում հրապարակւող
տեղեկութիւնների ծաւալը եւ հրապարակման կարգը» կանոնակարգ 5/06-ը:
Փոփոխութիւններ եւ լրացումներ են կատարուել «Բանկերի կողմից
աւանդների եւ աւանդատուների վերաբերեալ տեղեկատուական էլեկտրոնային
համակարգի վարման եւ տուեալների պահպանման կարգ»-ում եւ «Հայաստանի
Հանրապետութեան տարածքում արտարժոյթի առուվաճառքի
սակարկութիւնների կազմակերպման լիցենզավորումը, կարգաւորումը եւ
վերահսկողութիւնը» կանոնակարգ 11-ում:
Ըստ ՀՀ ԿԲ Հասարակայնութեան հետ կապերի ծառայութեան,
Խորհուրդը նաեւ որոշել է վերաձեւակերպել «ԳՐ-ԱՎ-ՄՈ» ՍՊԸ գրաւատան
լիցենզիան: Արտարժոյթի առուվաճառքի լիցենզիա է տրամադրվել «Սթար
Դիվայդ» ՓԲԸ-ի թիւ 6 մասնաճիւղին, իսկ «ՊՐՈՖՖԻՆԱՆՍ» ՓԲԸ-ին`
գրաւատան կազմակերպման լիցենզիա:
ԿԲ կառավարման բարձրագոյն մարմնի որոշմամբ «ԶԱՐԳԱՑՄԱՆ
ՀԱՅԿԱԿԱՆ ԲԱՆԿ» ԲԲԸ-ին «ՄԱՆԻ ԳՐԱՄ» արտասահմանեան վճարահաշվարկային
համակարգում ու «Արդշինինվեստբանկ» ՓԲԸ-ին` «ՌԻԱ ՄԱՆԻ ԹՐԵՆՍՖԸՐ» եւ
«ԻՆՏԵԼԷՔՍՊՐԵՍ» արտասահմանեան վճարահաշվարկային համակարգերում
մասնակցութեան թույլտվություններ են տրամադրվել:
Ուժը կորցրած են ճանաչուել «Գլոբփեյմենթս» ՍՊԸ-ի (լիցենզիա թիւ
11) դրամական (փողային) փոխանցումներ իրականացնող կազմակերպութեան
գործունէութեան իրականացման լիցենզիան եւ «Յարութ-Յակոբ» ՍՊԸ-ի
գրաւատան կազմակերպման թիւ ԳԳ-Ե130 լիցենզիան` նշուած սուբյեկտների
դիմումների համաձայն:
Բացի այդ, ԿԲ խորհուրդը որոշել է հրապարակել ՀՀ ԿԲ 2008թ.
«Տարեկան վիճակագրական տեղեկագիրը»: