ՄՈԳԱԴԻՇՕ, 20 ՄԱՐՏԻ, ՆՈՅԵԱՆ ՏԱՊԱՆ: Սոմալիի մայրաքաղաք
Մոգադիշոյում սպանուել է ՄԱԿ-ի Պարենի համաշխարհային ծրագրի (ՊՀԾ)
աշխատակիցը:
Տեղեկութիւնների համաձայն, երկու զինուած անձինք մի քանի
անգամ կրակել են Ահմեդ Հուսէյն Մալինի վրայ իր տան մօտ եւ հեռացել
հանցագործութեան վայրից:
ՄԱԿ ՊՀԾ-ի աշխատակիցը պատասխանատու էր մայրաքաղաքի շրջանին
պարենի մատակարարումների համար: Ըստ պաշտօնական տուեալների,
պատերազմից քայքայված երկրում սովից տառապում է աւելի քան 3,2 մլն
մարդ:
Միջազգային կազմակերպութիւնները փորձում են ըստ կարելւոյն
մարդասիրական օգնութիւն ցոյց տալ Սոմալիի բնակչութեանը: Սակայն
նրանց աշխատակիցները յաճախ զանազան մարտական խմբաւորումների
յարձակումների զոհ են դառնում: Միայն ՊՀԾ-ն 2008 թուականի օգոստոսից
կորցրել է իր չորս աշխատակիցների: