Հայաստանի Ֆինանսական համակարգի հաշտարարը 2009թ.-ի փետվարին
ստացել է 18 դիմում-բողոք
12-03-2009 18:55:00 | Հայաստան | Տնտեսութիւն
ԵՐԵՎԱՆ, 12 ՄԱՐՏԻ, ՆՈՅԵԱՆ ՏԱՊԱՆ: ՀՀ Ֆինանսական հաշտարարի
գրասենեակը 2008թ.-ի փետրուարին ստացել է ընդհանուր թւով տանսութ
բողոք: Ըստ Հաշտարարի գրասենեակի հաղորդագրութեան, ստացուած
բողոքներից տասը` համաձայն օրէնքի, Հաշտարարի կողմից քննութեան
ենթակայ չեն եղել: Չորսի քննութիւնը եղել են Հաշտարարի
լիազօրութիւնների շրջանակում, սակայն յաճախորդները նախապէս
սահմանուած կարգով իրենց բողոք-պահանջները չեն ներկայացրել
ֆինանսական կազմակերպութեանը: Մնացած չորս բողոքները ներկայացուել
են գրաւոր տեսքով, համապատասխանել են օրէնքով սահմանուած
պահանջներին եւ ընդունուել քննութեան Հաշտարարի կողմից:
Քննութեան ընդունուած չորս բողոքներից երկուսը կապուած են եղել
պլաստիկ քարտով կատարուված գործարքների արդիւնքում յաճախորդների
հաշվից գանձումների չափի վիճարկման հետ, մէկ բողոքը` բանկի կողմից
նախապէս յայտարարուած ավանդատեսակի պայմանները խախտելու, եւս մէկը`
ապահովագրական ընկերութեան կողմից վնասը հատուցելուց հրաժարուելու
հետ: Նշուած պահանջները ներկայումս քննվում են Հաշտարարի կողմից`
օրէնքով սահմանաված կարգով եւ ժամկէտներում: Իսկ Հաշտարարի կողմից
քննութեան ենթակայ միւս բողոք-պահանջների յետագայ ընթացքը
ներկայումս վերահսկւում է Հաշտարարի գրասենեակի կողմից:
Ֆինանսական համակարգի հաշտարարը` համաձայն «Ֆինանսական
համակարգի հաշտարարի մասին» ՀՀ օրէնքի, իր մասնագիտական
գործունէութիւնը սկսել է 2009թ.-ի յունվարի 24-ից:
Հաշտարարին կարելի է դիմել` զանգահարելով 58-23-22
հեռախօսահամարով, կամ այցելելով Վազգէն Սարգսեան 26/1, «էրեբունի
Պլազա» բիզնես կենտրոն, 4-րդ հարկ, 411 սենեակ: