ՀՀ Արդարադատութեան նախարարութիւնը եւ ԵԱՀԿ երեւանեան գրասենեակը օգոստոսի 19-ին ներկայացրել են ՀՀ խղճի ազատութիւնների մասին օրէնքի եւ յարակից օրէնքներում փոփոխութիւններ ու լրացումներ կատարելու մասին նախագիծ: ՀՀ արդարադատութեան նախարարի առաջին տեղակալ Գրիգոր Մուրադեանը, նշեց, որ ծրագիրը կազմուել է հաշուի առնելով այս ոլորտում արտասահմանեան երկրների ունեցած դրական եւ բացասական փորձը: «Հայաստանում «Խղճի եւ կրօնական ազատութեան» մասին օրէնքը ընդունուել է 1991թ.-ի յունիսի 17-ին եւ որոշ փոփոխութիւնների է ենթարկուել 1997 եւ 2001թթ,- ին։ Սսակայն դրանցում առկայ թերութիւնները չեն շտկուել»,- ասաց Գ.Մուրադեանը եւ որպէս այդպիսիք նշեց կրօնական կազմակերպութիւնների արհեստական գրանցումը եւ հոգէորսութեան մինչ օրս չքրէականցուած լինելը: Օրէնքի նախագծով կարգաւորւում են ՀՀ իւրաքանչիւր անձի խղճի, կրօնի եւ համոզմունքի, այդ թւում կրօնը եւ համոզմունքը փոխելու իրաւունքի ազատութեան, ինչպէս նաեւ կրօնական խմբերի եւ կազմակերպութիւնների գործունէութեան, իրաւունքների եւ պարտականութիւնների հետ առնչուող յարաբերութիւնները: Նախագծի երկրորդ գլխի 4-րդ յօդուածի համաձայն, խղճի, կրօնի եւ համոզմունքի ազատութեան արտայայտման իրաւունքը կարող է սահմանափակուել, եթէ դա անհրաժեշտ է ժողովրդավարական հասարակութիւնում հասարակական անվտանգութեան, մարդկանց առողջութեան, բարոյականութեան կամ այլոց իրաւունքների եւ ազատութիւնների պաշտպանութեան համար: Այդ սահմանափակումն իր մէջ ներառում է նաեւ հոգէորսութեան եւ կրօնական կազմակերպութիւնների գաղտնի գործելու արգելքը։ Նոյն գլխի 4-րդ կէտով հոգէորսութիւնը օրէնքով նախատեսուած դէպքերում առաջացնում է քրէական կամ վարչական պատասխանատուութիւն: Նոյն նախագծի երկրորդ գլխի 6-րդ կէտը վերաբերում է երեխաներին: Դրա համաձայն, Հհ-ում արգելւում է առանց ծնողների համաձայնութեան կրօնական քարոզչութիւն կամ կրօնական քարոզչութեան փորձերը այն դաստիարակչական կամ նախակրթական կամ կրթական հատատութիւններում, որտեղ դաստիարակւում կամ ուսումնառում են

---