ԵՐԵՎԱՆ, 19 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Ընդդէմ Արաբկիր
թաղապետարանի Ինֆորմացիայի ազատութեան կենտրոնի (ԻԱԿ) հայցի գործով
վճիռը կկայացուի դեկտեմբերի 30-ին: Այս մասին դեկտեմբերի 19-ին` այդ
գործի դատաքննութեան ժամանակ յայտնեց գործը վարող դատաւոր Յովսէփ
Բեդեւյանը:
Նշենք, որ 2008թ. յուլիսի 30-ին ԻԱԿ-ն տեղեկատուութիւն
ստանալու չորս հարցում է ուղարկել Արաբկիր թաղային համայնքին. 1.
Արաբկիր համայնքին սեփականութեան իրաւունքով քանի՞ բնակարան է
պատկանում (այդ թւում համայնքի հաշվեկշռում քանի՞ բնակարան է
գրանցուած), որոնցում բնակւում են այն բնակիչները, որոնք չեն
սեփականաշնորհել իրենց բնակարանները, որոնք են այդ բնակարանների
հասցէները, Աջափնեակի թաղապետարանը քանի՞ հայց է հարուցել
սեփականութեան իրաւունքով համայնքին պատկանող վերը նշուած
բնակարաններից բնակիչներին վտարելու պահանջով: Չորրորդ հարցմամբ
Կենտրոնը խնդրում էր ներկայացնել այդ դատական գործերի ելքի մասին
տեղեկատուութիւն (քանի՞սն է բաւարարուել, քանի՞սը` մերժուել):
Արաբկիրի թաղապետարանը օգոստոսի 6-ին գրութեամբ մերժում է
հարցվող 4 տեղեկություններից առաջին երկուսի մասին տեղեկատուութեան
տրամադրումը` պատճառաբանելով, որ այդ տեղեկությունները կարող ենք
ստանալ համատիրություններից: ԻԱԿ-ը նման պատճառաբանութեամբ
պահանջւող տեղեկատուութեան տրամադրումը մերժելն անհիմն է համարում`
գտնելով, որ դրանով խախտւում են անձի սահմանադրական իրաւունքները,
քանի որ համատիրությունները չէ, որ պէտք է տեղեկատուութիւն
տրամադրեն համայնքին պատկանող սեփականութեան մասին:
Վերոնշեալը հիմք ընդունելով` ԻԱԿ-ն ճանաչման եւ գործողութեան
կատարման հայցով դիմել է ՀՀ վարչական դատարան` տեղական
ինքնակառավարման մարմնի գործողութիւնները ոչ իրավաչափ ճանաչելու
եւ որպէս հետեւանք տեղեկատուութիւն տրամադրել պարտադրելու պահանջի
մասին: