Տասն ամսում Հայաստանի գիւղատնտեսութեան համախառն արտադրանքը
նախորդ տարուայ նոյն ժամանակահատուածի համեմատ 1,8%-ով աճել է
11-12-2008 15:28:00 | Հայաստան | Տնտեսութիւն
ԵՐԵՎԱՆ, 11 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի
գիւղատնտեսութեան համախառն արտադրանքը 2008թ.-ի
յունուար-հոկտեմբերին, ընթացիկ գներով, կազմել է 576,6 մլրդ դրամ
(մօտ 1,8 մլն ԱՄՆ դոլար)` 1,8%-ով գերազանցելով 2007թ.-ի նոյն
ժամանակաշրջանի ցուցանիշը:
Բուսաբուծութեան համախառն արտադրանքը նշուած ժամանակահատուածում
կազմել է 576 601,4 մլն դրամ, ինչը 1,8%-ով աւելի է 2007թ.-ի նոյն
ժամանակաշրջանի ցուցանիշից, իսկ անասնաբուծութեան համախառն
արտադրանքը կազմել է 169 540,8 մլն դրամ (աճը` 2,2%):
ՀՀ Ազգային վիճակագրական ծառայութեան տուեալներով,
յունուար-հոկտեմբերին, հանրապետութիւնում իրականացուել է 7348,9 մլն
դրամի ձկան որս, ինչը 2007թ.-ի նոյն ժամանակաշրջանի ցուցանիշից
22,7%-ով աւելի է: