ԱՐԱ ԳԵՎՈՐԳՅԱՆԻ «ՍԻՐԵՑԵՔ ԶՄԻՄՅԱՆՍ» ԵՐԳԸ 2008 Թ.-ԻՆ
ԿՆԵՐԿԱՅԱՑՈՒԻ «ԳՐԵՄՄԻ» ՄՐՑԱՆԱԿԱԲԱՇԽՈՒԹՅԱՆԸ
14-12-2007 19:40:00 | Հայաստան | Մշակոյթ
ԵՐԵՎԱՆ, 14 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Կոմպոզիտոր եւ
գործիքավորող Արա Գեւորգեանը պարաստվում է իր «Սիրեցեք զմիմյանս»
երգը 2008թ.-ին ներկայացնել «Գրեմմի» մրցանակաբաշխությանը: Ինչպէս
դեկտեմբերի 14-ի ասուլիսում յայտնեց երաժիշտը, երգի տեքստը, որի
հեղինակը ֆինլանդացի է, առաջիկայում կթարգմանուի մօտ երկու տասնեակ
լեզուներով, եւ երգը կկատարուի տարբեր ազգութեան երգիչների կողմից:
Ա.Գեւորգեանը նշեց, որ այս տարի աւարտել է նաեւ «Սիրեցեք
զմիմյանս» գործիքային ստեղծագործութիւնը, որի վրայ աշխատել է աւելի
քան 7 տարի: 8 րոպե 40 վայրկեան տեւողությամբ ստեղծագործութիւնը,
ւցտ ձայնագրմանը մասնակցել են աշխարհահռչակ երաժիշտներ եւ
օգտագործուել են տարբեր ժողովուրդների ազգային նվագարաններ, կոչ է
ամբողջ աշխարհի մարդկութեանը` լինել հանդուրժող եւ ապրել համերաշխ:
Անդրադառնալով Ռուսաստանում Ադրբեջանի դեսպան Փոլադ
Բյուլբյուլօղլիի այն մեղադրանքներին, թէ «Արցախ»
ստեղծագործութիւնը ադրբեջանական է, Ա.Գեւորգեանն ասաց, որ ինքը
փաստաթղթերով ապացուցել է, որ դա իր հեղինակած երաժշտությունն է:
Այդ ստեղծագործութեան իր հեղինակային իրաւունքն ամրագրուել է ԱՄՆ
կոնգրեսի հեղինակային իրաւունքների գրադարանում 1998թ.-ին:
«Եթէ ադրբեջանցիները ճիշտ լինէին, ապա կդիմեին դատարան»,-
նշեց Ա.Գեւորգեանը: Իսկ դատարան դիմելու հիմք աւելի շատ ինքն ունի,
քանի որ Մինսկում կայացած գեղասահքի աշխարհի առաջնութիւնում
Ադրբեջանի ներկայացուցիչը հանդէս է եկել «Արցախի» աղաւաղուած
կատարման ուղեկցութեամբ: