ԲՈՒՇԸ ԽՈՍՏԱՑԵԼ Է ՊԱՇՏՊԱՆԵԼ ԻՍՐԱՅԵԼԻՆ ԻՐԱՆԻ ԿՈՂՄԻՑ ՀԱՐՈՒԱԾԻ
ԴԷՊՔՈՒՄ
29-11-2007 17:10:00 | ԱՄՆ | Միջազգային
ՎԱՇԻՆԳՏՈՆ, 29 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Ջորջ Բուշը
յայտարարել է, որ ԱՄՆ-ն ռազմական աջակցութիւն կցուցաբերի
Իսրայելին, եթէ այդ երկիրը Իրանի կողմից յարձակման ենթարկուի:
«Ես պարզորոշ յայտարարեցի, որ մենք կը սատարենք մեր դաշնակից
Իսրայելին Իրանի կողմից յարձակման դէպքում»,- յայտարարել է Բուշը
CNN հեռուստաընկերութեան հարցազրոյցի ժամանակ:
Ընդ որում, նա կոչ է արել լրջօրէն վերաբերուել Իսրայելի հասցէին
Իրանի նախագահ Մահմուդ Ահմադինեժադի սպառնալիքներին:
«Եթէ ես իսրայելցի լինեի, ես նրա (Ահմադինեժադի) բառերին
լրջօրէն կվերաբերվեի»,- ասել է Բուշը:
Իրանի առաջնորդը մէկ անգամ չէ հանդէս եկել հակաիսրայելական
յայտարարութիւններով: Մարտին Սուդանի հոգեւոր գործիչների հետ
հանդիպման ժամանակ Ահմադինեժադը սիոնիստներին անուանել էր «Սատանայի
մարմնացում»: Ահմադինեժադը քանիցս յայտարարել է, որ Իսրայել
պետութիւնը պէտք է վերանա երկրի երեսից: