Փոփոխութիւններ հանրակրթական ուսումնական հաստատութեան տնօրէնի ընտրութեան կ'արգում
02-09-2011 12:15:50 | Հայաստան | Հասարակութիւն
այաստանի Հանրապետութեան կառավարութեան որոշմամբ փոփոխութիւններ եւ լրացումներ են կատարուել ՀՀ կառավարութեան 2010 թուականի մարտի 4-ի «Պետական հանրակրթական ուսումնական հաստատութեան տնօրէնի ընտրութեան (նշանակման) կարգը հաստատելու մասին» N319-ն որոշմամբ հաստատուած կարգում:
մասնաւորապէս լրացում է կատարուել յիշեալ կարգի 6-րդ կէտում:Սահմանուել է, որ խորհուրդը մրցոյթ անցկացնելու մասին յայտարարութիւնը, հրապարակելուց առնուազն երկու աշխատանքային օր առաջ, տրամադրում է ՀՀ կրթութեան եւ գիտութեան նախարարութեանը: Այդ տեղեկատուութիւնը երկու աշխատանքային օրուայ ընթացքում հրապարակւում է ՀՀ կրթութեան եւ գիտութեան նախարարութեան պաշտօնական ինտերնետային կայքում: Սահմանուել է, որ մրցոյթ անցկացնելու մասին յայտարարութիւնը պէտք է հրապարակուի նաեւ azdarar.am կայքում` ՀՀ կառավարութեան N 174-ն որոշմամբ հաստատուած կարգով:
Տնօրէնների յաւակնորդների մրցոյթին մասնակցելու յայտերն ընդունւում են յայտարարութեան երկրորդ հրապարակման օրուանից` 30 օրուայ ընթացքում:
պետական հանրակրթական ուսումնական հաստատութեան տնօրէնի ընտրութեան կարգում կատարուած միւս փոփոխութիւնը (28-րդ կէտ) հետեւեալն է.երկրորդ մրցոյթի ժամանակ տնօրէն չընտրուելու դէպքում նոյն օրուայ ընթացքում անցկացւում է կրկնակի քուէարկութիւն:
Կրկնակի քուէարկութեամբ եւս տնօրէն չընտրուելու դէպքում, հաստատութեան խորհուրդը եռօրեայ ժամկէտում նախարարութիւն է ներկայացնում խորհրդի նիստի արձանագրութեան եւ տնօրէնի պաշտօնի յաւակնորդների անձնական գործերի պատճէնները:
Նախարարութիւնը, հիմք ընդունելով նշուած փաստաթղթերը, յաւակնորդներից որեւէ մէկին, մրցոյթում յաղթող ճանաչելու վերաբերեալ որոշում է կայացնում եւ 5-օրեայ ժամկէտում լիազօր մարմնին ներկայացնում առաջարկութիւն` աշխատանքային պայմանագիր կնքելու վերաբերեալ: