Սեպտեմբերի 1-3-ին Գերմանիայի Ֆրայզինգ քաղաքում տեղի ունեցաւ գերմանացի կաթոլիկների «Ռենովաբիս» բարեգործական կազմակերպութեան 15-րդ միջազգային համաժողովը: Համաժողովին մասնակցում էին 300 ներկայացուցիչներ 29 երկրներից: Գարեգին Բ Ամենայն Հայոց Կաթողիկոսի օրհնութեամբ, որպէս Քոյր Եկեղեցու ներկայացուցիչ, սոյն ժողովին մասնակցեց Մայր Աթոռ Սուրբ Էջմիածնի Վարչա-տնտեսական բաժնի տնօրէն Տ. Մուշեղ վարդապետ Բաբայեանը: Համաժողովի ընթացքում քննարկուեցին մի շարք խնդիրներ, որոնք վերաբերում էին Կենտրոնական եւ Արեւելեան Եւրոպայի գիւղական համայնքների կ'առուցուածքային փոփոխութիւնների ազդեցութեանը գիւղերում ապրող մարդկանց հաւատքի եւ կեանքի պայմանների վրայ:

---