Մայիսի 5-ին, ժամը 11:30-ին Արմենիա Մարիոտ հյուրանոցի ,Queen Parandzemե կոնֆերանսների սրահում (Հանրապետության Հրապարակ, Ամիրյան 19 կկայանա մամուլի ասուլիս` նվիրված ՍԹԱՐ առեւտրային ցանցի զարգացման նոր շրջանին, որը կապված է ընկերության կայանալիք ռեբրենդինգի եւ բաժնետիրոջ փոփոխության հետ: Հայտարարությամբ հանդես կգա ՍԹԱՐ առեւտրային ցանցի գործադիր տնօրեն Վահան Քերոբյանը եւ կներկայացնի առեւտրային ցանցի նոր բաժնետիրոջը:
Ասուլիսի ընթացքում կներկայացվեն ռեբրենդինգի ներքո կանխատեսվող գործընթացները, արդեն իսկ իրականացված հիմնական միջոցառումները, եւ Հայաստանում մթերային խոշորագույն ցանցի զարգացման պլանները եւ կանխատեսումները: Նշենք, որ նոր ֆիրմային ոճի զարգացման գործընթացը սկսվել է մոտ մեկ տարի առաջ` զարգացման նոր ռազմավարության հաստատումից հետո:
Մոտ օրերս, Կենտրոն ադմինիստրատիվ շրջանում գտնվող 3 ՍԹԱՐ սուպերմարկետ, հանրությանը կներկայանան նոր տեսքով: Ռեբրենդինգի գործընթացը կավարտվի մինչեւ 2012թ. կեսը: