«Չենք լռելու» երիտասարդական նախաձեռնութիւնը տիրապետում է բացառիկ տեղեկութիւնների եւ ապացոյցների (հիմնականում` տեսանիւթերի տեսքով)` կապուած զինուած ուժերի 18 բարձրաստիճան զինուորականների կոռումպացուածութեան եւ ունեցուածքի հետ: Սակայն, ինչպէս նշուած է նախաձեռնութեան հոկտեմբերի 14-ի յայտարարութիւնում, նախաձեռնութիւնը դեռեւս նպատակայարմար չի գտնում դրանց հրապարակումը: Նշելով նաեւ, որ հայկական բանակի զօրակազմի անմիջական կառավարումն իրականացնում է ոչ թէ պաշտպանութեան նախարարը, այլ Գլխաւոր շտաբի պետը` գեներալ-գնդապետ Իւրի Խաչատուրովը, ով «անմիջական եւ ուղղակի պատասխանատուութիւն է կրում բանակային կեանքի կազմակերպման որակի համարէ, նախաձեռնութիւնը գտնում է, որ անհրաժեշտաբար պէտք է հանրայնօրէն դրուի ոչ թէ պաշտպանութեան նախարարի, այլ Գլխաւոր շտաբի պետի հրաժարականի պահանջ: «Այդ հրաժարականը պէտք է դառնա Հայաստանի բանակի գեներալակազմի փոփոխութեան ընդամէնը սկիզբը: Որքան այդ պրոցեսն ուշանայ, այնքան շարունակելու են բանակում վտանգուած մնալ մեր եղբայրներն ու ընկերները»,- ասուած է «Չենք լռելու» երիտասարդական նախաձեռնութեան յայտարարութիւնում:

---