Նոյեմբերի 7-ին Մոսկուայի տան ցուցասրահում տեղի ունեցաւ ԱԳՆ դիւանագիտական դպրոցի տնօրէն դեսպան Վահէ Գաբրիէլեանի ARTSAKH: the people and land of KARABAKH («արցախ` Ղարաբաղի ժողովուրդն ու հողըէ) անգլերէն գրքի շնորհանդէսը եւ գրքում ներկայացուած հեղինակային լուսանկարների ընտրանու ցուցահանդէսի բացումը: Շնորհանդէսին ներկայ էին ՀՀ ԱԺ բարձրաստիճան ղեկավարներ, ՀՀ կառավարութեան անդամներ, Հայաստանում հաւատարմագրուած դեսպաններ, սփիւռքահայ հիւրեր, արուեստասէրներ, միջազգային կառոյցների, հասարակական կազմակերպութիւնների եւ լրատուամիջոցների ներկայացուցիչներ: Իր խօսքում ՀՀ արտաքին գործերի նախարար Էդուարդ Նալբանդեանը կարեւորեց թե' գրքի գեղարուեստական արժանիքները, թե' ՀՀ արտաքին քաղաքականութեան կարեւորագոյն խնդրի` ԼՂ հիմնահարցի մասին իրազեկութեան բարձրացման գործում գրքից ակնկալուող ներդրումը: Նախարար Նալբանդեանի խսքով գիրքը նաեւ Արցախ այցելելու իւրատեսակ հրաւէր է: Դեսպան Վահէ Գաբրիէլեանը նշեց, որ գիրքը ստեղծուել է Հայաստանի եւ մասնաւորապէս Արցախի մասին օտար լեզուով ներկայանալի գրականութեան պակասի գիտակցումից եւ դրա հիմնական նպատակը Արցախի հրաշագեղ բնութեան, ճարտարապետական գլուխգործոցների եւ յուշարձանների պատշաճ ներկայացման միջոցով երկրի վրայ ուշադրութիւն հրաւիրելն է եւ այդ բնագաւառում տեղեկատուական բացի լրացումը: Գրքում եօթ հարիւրից աւելի հեղինակային լուսանկարներով ներկայացուած էն Արցախի ամրոցները, միջնադարեան կամուրջները, վանքերն ու եկեղեցիները, քաղաքներն ու գիւղերը, մելիքական ապարանքները, յուշահամալիրները, թանգարանները եւ դրոշմանիշները, անդրադարձ է կատարուած միջնադարեան մանրանկարչութեանը եւ գորգարուեստին: Լուսանկարներն ուղեկցւում էն համառօտ բացատրութիւններով: Արցախի բնութեան համայնապատկերները եւ ճարտարապետական գլուխգործոցների նմուշները լուսանկարուած էն տարուայ տարբեր եղանակներին, այդ թւում նաեւ` ուղղաթիռից: Պատմական եւ ժամանակակից քարտէզներով փաստարկած տեքստային մասով տրուած է նաեւ Արցախի վերաբերեալ պատմական ակնարկ` հնագոյն ժամանակներից մինչեւ մեր օրերը: Ինչպէս տեղեկացնում էն ՀՀ ԱԳՆ մամուլի, տեղեկատուութեան եւ հասարակայնութեան հետ կապի վարչութիւնից, ցուցահանդէսը, որը 2009թ. «բրիտանիաէ ցուցահանդէսից յետոյ Վահէ Գաբրիէլեանի լուսանկարների երկրորդ անհատական ցուցադրումն է, կը գործի մէկ շաբաթ: Նախատեսւում է այն ցուցադրել նաեւ Արցախում:

---