Սերժ Սարգսեանը ցաւակցական հեռագիր է յղել ՌԴ նախագահ Դմիտրի Մեդուեդեւին
25-01-2011 16:35:02 | Հայաստան | Քաղաքական
ԵՐԵՒԱՆ, 25 ՅՈՒՆՈՒԱՐԻ, ՆՈՅԵԱՆ ՏԱՊԱՆ: Նախագահ Սերժ Սարգսեանը ցաւակցական հեռագիր է յղել Ռուսաստանի Դաշնութեան նախագահ Դմիտրի Մեդուեդեւին` «Դոմոդեդովոյ» օդանաւակայանում տեղի ունեցած ահաբեկչութեան կապակցութեամբ:
Հեռագրում, մասնաւորապէս, ասուած է.
«Յարգելի Դմիտրի Անատոլիի,
Խորապէս ցնցուած եւ վրդովուած եմ «Դոմոդեդովոյ» օդանաւակայանում մի քանի տասնեակ անմեղ մարդկանց կեանք խլած արիւնալի ահաբեկչութեան մասին տեղեկատուութիւնից:
Անկեղծ ցաւակցութիւնս եմ յայտնում Ձեզ, զոհուածների ընտանիքներին, բոլոր ռուսաստանցիներին: Այդ սարսափելի յանցագործութեան զոհերի հարազատներին եւ մտերիմներին ցանկանում եմ հոգու տոկունութիւն եւ արիութիւն, իսկ վիրաւորներին` շուտափոյթ ապաքինում եւ վերականգնում: Վստահ եմ, որ ձեռնարկուած միջոցները թոյլ կը տան յայտնաբերել եւ պատժել մեղաւորներին, յետագայում կանխել նմանատիպ յանցագործութիւնները»:
ԴԱՍ. ՀԱՅԵՐԵՆ 
Հայերեն
Русский
English
French