ՀՀ եւ ԼՂՀ Կենտրոնական ընտրական յանձնաժողովների միջեւ ստորագրուել է փոխըմբռնման յուշագիր
17-12-2010 15:08:00 | Հայաստան | Քաղաքական
ՍՏԵՓԱՆԱԿԵՐՏ, 17 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Լեռնային Ղարաբաղի հանրապետութեան նախագահ Բակո Սահակեանը դեկտեմբերի 17-ին ընդունել է Հայաստանի Կենտրոնական ընտրական յանձնաժողովի պատուիրակութեանը` յանձնաժողովի նախագահ Գարեգին Ազարեանի գլխաւորութեամբ:
Հանդիպմանը, որին մասնակցում էր ԼՂՀ Կենտրոնական ընտրական յանձնաժողովի նախագահ Ռաշիդ Պետրոսեանը, քննարկուել են հայկական երկու պետութիւնների ընտրական յանձնաժողովների միջեւ կապերի խորացման եւ մասնագիտական վերապատրաստմանն առնչուող հարցեր:
Ինչպէս «ՆՏ»-ին յայտնեցին ԼՂՀ նախագահի աշխատակազմի Տեղեկատուութեան գլխաւոր վարչութիւնից, Բ.Սահակեանը ողջունել է ՀՀ եւ ԼՂՀ Կենտրոնական ընտրական յանձնաժողովների միջեւ փոխըմբռնման յուշագրի ստորագրումը` այն կարեւորելով ոլորտում երկկողմ յարաբերութիւնների զարգացման տեսանկիւնից:
ԴԱՍ. ՀԱՅԵՐԵՆ 
Հայերեն
Русский
English
French
