«Անմիտ մարդիկ իրենց մտքում խորհեցին, թէ «Աստուած չկա», - ուստի ապականուեցին եւ զզուելի արարքների մէջ ընկան: Մարտի 6-ին` ժամը 18:00-ին, Առաջնորդանիստ Սուրբ Սարգիս եկեղեցում Մեծ պահքի շրջանն առաւել արդիւնաւորելու նպատակով «Արարատ»հոգեւոր միութեան նախաձեռնութեամբ թեմի բոլոր եկեղեցիների երիտասարդաց միութիւնների հոգեւոր հովիւներն իրենց համայնքի երիտասարդների հետ կը մասնակցեն խոկման: Արարողութիւնը կը հանդիսապետի թեմի առաջնորդական փոխանորդ Տ Նաւասարդ արքեպիսկոպոս Կճոյեանը: Հընթացս Սրբազան Հայրը իր պատգամը կ'ուղղի երիտասարդներին: Այնուհետեւ կը մարուեն եկեղեցու լոյսերը: «արարատէ երգչախմբի հոգեւոր երգեցողութեան ներքոյ մասնակից երիտասարդները մեր Սուրբ եկեղեցու զօրացման, հայրենիքի խաղաղութեան եւ ժողովրդի բարօր կեանքի եւ հոգեւոր վերելքի համար աղօթելու եւ խորհելու, մտորելու, առանձնանալու, անդրադարձումի եւ իրենց հոգեւոր վիճակը քննելու եւ վերագնհատելու բացառիկ միջավայր կ'ունենան: Արարատեան Հայրապետական թեմի Մամլոյ դիւանից տեղեկացնում են, որ խոկման արարողութեանը հնարաւոր է մասնակցել առհասարակ յուրաքանչիւր երեքշաբթի`ժ.18.00-ին, առաջնորդնաիստ Ս. Սարգիս եկեղեցում:

---