Իրականցուել է տեղամասային ընտրական յանձնաժողովների նախագահների եւ քարտուղարների պաշտօնների բաշխումը
30-10-2012 12:46:38 | Հայաստան | Մամլո հաղորդագրություն
Այսօր գումարած արտահերթ նիստում ՀՀ կենտրոնական ընտրական յանձնաժողովն էլեկտրօնային վիճակահանութեամբ իրականացրել է 2012թ. դեկտեմբերի 2-ին թիւ 1 եւ թիւ 35 ընտրատարածքներում կայանալիք Ազգային ժողովի մեծամասնական ընտրակարգով լրացուցիչ ընտրութիւնների տեղամասային ընտրական յանձնաժողովների նախագահների եւ քարտուղարների պաշտօնների բաշխումը` Ազգային ժողովում խմբակցութիւն ունեցող կուսակցութիւնների եւ կուսակցութիւնների դաշինքի միջեւ: Տեղամասային ընտրական յանձնաժողովների նախագահների եւ քարտուղարների պաշտօնները բաշխուել են հետեւեալ համամասնութեամբ.
Հայաստանի Հանրապետական կուսակցութիւն (ՀՀԿ)` 36-ական,
«Բարգաւաճ Հայաստան» կուսակցութիւն (ԲՀԿ)` 25-ական,
Հայ ազգային կոնգրէս կուսակցութիւնների դաշինք (ՀԱԿ)` 7-ական,
Հայ Յեղափոխական Դաշնակցութիւն (ՀՅԴ)` 4-ական,
«Օրինաց երկիր» կուսակցութիւն (ՕԵԿ)` 4-ական,
«Ժառանգութիւն»կուսակցութիւն` 4-ական: