Վարչապետը ներկայ է գտնուել Անի մայրաքաղաքի հիմնադրման 1050-ամեակին նուիրուած ցուցահանդէսին
02-05-2011 18:48:13 | Հայաստան | Մշակոյթ
ՀՀ վարչապետ Տիգրան Սարգսեանը մայիսի 2-ին ներկայ է գտնուել «Ակադեմիայ» պատկերասրահում պատմական Հայաստանի Անի մայրաքաղաքի հիմնադրման 1050-ամեակին նուիրուած ցուցահանդէսի բացմանը, որը կազմակերպուել է Արարատեան Հայրապետական թեմի եւ Աշխարհի հայ նկարիչների միաւորման կողմից:
Վարչապետն Արարատեան Հայրապետական թեմի առաջնորդական փոխանորդի հետ շրջել է ցուցասրահով, ծանօթացել ներկայացուած աշխատանքներին:
Ցուցահանդէսում ներկայացուած են Անիին վերաբերող 26 գեղանկարիչների 72 կտաւներ եւ լուսանկարիչ Զաւէն Սարգսեանի լուսանկարները:
Միջոցառման կազմակերպման աշխատանքներն ընդգրկել են 2010թ. մարտ-ապրիլ ժամանակահատուածը, որի ընթացքում ցուցահանդէսին մասնակցող գեղանկարիչներն ստեղծագործել են Հայաստանում եւ Անի մայրաքաղաքի աւերակներում: